തിരുവനന്തപുരം: റെയ്ഡിനെത്തിയ ഇ.ഡി ഉദ്യോഗസ്ഥരെ ആക്രമിച്ച കേസില് വിദേശത്തേക്ക് കടന്ന പ്രതി ചെന്നൈ വിമാനത്താവളത്തില് പിടിയിലായി. കേസിലെ 27-ാം പ്രതിയായ ആദർശ് ആണ് വിദേശത്തുനിന്ന് തിരിച്ചെത്തിയ ഉടൻ അറസ്റ്റിലായത്. ഇന്ന് രാവിലെ ചെന്നൈ വിമാനത്താവളത്തില് വന്നിറങ്ങിയ ഇയാളെ എമിഗ്രേഷൻ വിഭാഗം തടഞ്ഞുവെക്കുകയായിരുന്നു.
ഇയാളെ കസ്റ്റഡിയില് വാങ്ങുന്നതിനായി തിരുവനന്തപുരം മ്യൂസിയം പോലീസ് സംഘം ചെന്നൈയിലേക്ക് തിരിച്ചു. സംഭവത്തിന് പിന്നാലെ വിദേശത്തേക്ക് കടന്ന ആദർശിനായി പോലീസ് നേരത്തെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഇതാണ് വിമാനത്താവളത്തില് വെച്ച് ഇയാളെ തിരിച്ചറിയാൻ സഹായിച്ചത്. അതേസമയം, കേസില് പ്രതിയായ പാളയം സന്തോഷ് ഇപ്പോഴും ഒളിവിലാണ്.
SUMMARY: Case involving attack on ED officials: One more accused arrested; taken into custody at Chennai airport
