ബെംഗളൂരു: സ്കൂട്ടർ അപകടത്തിൽ മലയാളി യുവാവ് മരിച്ചു. മംഗളൂരു സ്വദേശി പി.ജെ.വർഗീസിന്റെ മകൻ പി.വി.ജോസഫ് (28) ആണു മരിച്ചത്. ശനിയാഴ്ച രാവിലെ ബേഗൂർകൊപ്പ ഹുള്ളഹള്ളിയിൽ ജോസഫ് സഞ്ചരിച്ചിരുന്ന സ്കൂട്ടർ കനാലിനു സമീപത്തു തകർന്ന നിലയിൽ കണ്ടെത്തുകയായിരുന്നു. സ്കൂട്ടറിനു പുറകിൽ ഏതോ വാഹനമിടിച്ച് അപകടമുണ്ടായതാണെന്ന് കരുതുന്നു. പ്രദേശവാസികളാണു മൃതദേഹം സമീപത്തെ കനാലില് കണ്ടെത്തിയത്.
ഹുള്ളഹള്ളി ക്രൈസ്റ്റ് അക്കാദമി ജീവനക്കാരനാണ്. ജിഗനി അനേക്കൽ റോഡിലെ ആറാട്ട് ഗ്രാൻഡ ടൗണിലെ പുവത്തിൽ ഹൗസിലായിരുന്നു താമസം. മാതാവ്; ഷൈനി വർഗീസ്. സഹോദരി: എൽസമ്മ.
മൃതദേഹം ആനേക്കൽ ജനറൽ ആശുപത്രിയിൽ പോസ്റ്റ്മോർട്ടത്തിനു ശേഷം ബന്ധുക്കൾക്കു വിട്ടുകൊടുത്തു. സംസ്കാരം ഞായറാഴ്ച വൈകിട്ട് നാലിന് ശേഷം ധർമ്മാരം സെന്റ് തോമസ്റ് ഫൊറോന ചർച്ചിൽ നടക്കും.
