ഭുവനേശ്വര്: ഒഡീഷ തീരത്തിന് സമീപം ബംഗാള് ഉള്ക്കടലില് പാനമ പതാക വഹിക്കുന്ന ചരക്കുകപ്പല് മുങ്ങി. ഒഡീഷയിലെ പാരദീപ് തുറമുഖത്തുനിന്ന് സിംഗപ്പൂരിലേക്ക് ഇരുമ്പയിര് കയറ്റി പുറപ്പെട്ട എംവി ഓഷ്യന്-വിന്നര് എന്ന കപ്പലാണ് അപകടത്തില്പ്പെട്ടത്. 1,700 ടണ് ഇരുമ്പ് അയിരുമായി ഓഗസ്റ്റ് 20ന് രാത്രി 10.30 ഓടെ ഒഡീഷ്യയിലെ പാരദീപ് തുറമുഖത്ത് നിന്ന് യാത്ര തിരിച്ചതായിരുന്നു കപ്പല്.
ചൈനയില് നിന്നുള്ള 20 പേരും മ്യാന്മറില് നിന്നുള്ള മൂന്ന് പേരും ബംഗ്ലാദേശില് നിന്നുള്ള ഒരാളും ഉള്പ്പെടെ 24 ജീവനക്കാരാണ് കപ്പലിലുണ്ടായിരുന്നത്. മൂന്നുപേരെ രക്ഷപ്പെടുത്തിയതായി കോസ്റ്റ് ഗാര്ഡ് അറിയിച്ചു. ഇന്ത്യന് കോസ്റ്റ് ഗാര്ഡും ഇന്ത്യന് നാവികസേനയും രക്ഷാപ്രവര്ത്തനം തുടരുകയാണ്.
ഒഡീഷ തീരത്തു നിന്ന് ഏകദേശം 240 നോട്ടിക്കല് മൈല് അകലെ വെച്ചായിരുന്നു അപകടം. ഓഗസ്റ്റ് 20ന് രാത്രി 10:30 ഓടെ ആണ് ഒഡീഷയിലെ പാരദ്വീപ് തുറമുഖത്തുനിന്ന് കപ്പല് പുറപ്പെട്ടത്. 1700 ടണ് ഇരുമ്പ് അയിരാണ് കപ്പലില് ഉണ്ടായിരുന്നത്. അപകടകാരണം എന്താണെന്ന് വ്യക്തമല്ല. പ്രദേശത്തുകൂടി കടന്നുപോകുന്ന മറ്റ് കപ്പലുകള്ക്കും ജാഗ്രതാ നിര്ദേശം നല്കിയിട്ടുണ്ട്.
SUMMARY: Cargo ship bound for Singapore sinks off Odisha coast; 24 crew members on board, rescue operations underway
