ബെംഗളൂരു: മലബാർ മുസ്‌ലിം അസോസിയേഷൻ മീലാദ് ആഘോഷത്തിന് നാളെ തുടക്കം കുറിക്കും.മൈസൂർ റോഡ് ആസാദ് നഗറിലെ മസ്ജിദുന്നമിറയിൽ വെച്ച് രാവിലെ 8 മണിക്ക് ജനറൽ സെക്രട്ടറി ടി.സി സിറാജ് പതാക ഉയർത്തുന്നതോടെ നബിദിനാഘോഷത്തിന്ന് തുടക്കം കുറിക്കും തുടർന്ന് എം എം എ പ്രവർത്തകരും പൂർവ്വ വിദ്യാർഥികളും നാട്ടുകാരും ഒരുമിക്കുന്ന നബിദിന സന്ദേശ റാലിയും നടക്കും.
സപ്തംബർ 5 ന് ആസാദ് നഗറിലെ ഹിദായത്തുൽ ഇസ്ലാം സപ്തംബർ 10 ന് ജയനഗറിലെ ഇർഷാദുൽ മുസ്ലിമീൻ സപ്തബർ 13 ന് മൈസൂർ റോഡിലെ ഹയാത്തുൽ ഇസ്ലാം മദ്രസ എന്നിവിടങ്ങളിൽ വിദ്യാർഥി ഫെസ്റ്റുകൾ നടക്കും സപ്തംബർ 11 ന് ഡബിൾ റോഡ് ശാഫി മസ്ജിദിൽ മിലാദ്‌ സംഗമവും 13 ന് മൈസൂർ റോഡ് കർണാടക മലബാർ സെൻ്റർ ഓഡിറ്റോറിയത്തിൽ വെച്ച് സമാപന സമ്മേളനവും നടക്കും.
സമാപന സമ്മേളനം പ്രസിഡണ്ട് ഡോ. എൻ.എ മുഹമ്മദ് ഉദ്ഘാടനം ചെയ്യും. സ്വാഗതസംഘം ചെയർമാനായി കെ.എച്ച് ഫാറൂഖിനെയും ജനറൽ കൺവീനറായി സുബൈർ കായക്കൊടിയെയും ഫിനാൻസ്‌ കമ്മിറ്റി ചെയർമാനായി പി. എം അബ്ദുൽ ലത്തീഫ് ഹാജിയെയും കൺവീനറായി കെ.സി. അബ്ദുൽ ഖാദറിനെയും രക്ഷാധികാരിയായി സി.എം. മുഹമ്മദ് തൻവീറിനെയുംയോഗം തിരഞ്ഞെടുത്തു. യോഗത്തിൽ എ.കെ കബീർ, ടി സി ശബീർ അഷ്രഫ്‌ മലയമ്മ ,ആസാദ് ജയനഗർ,അബ്ദു ആസാദ് നഗർ, യൂനുസ്‌ ഫൈസി,എന്നിവർ പങ്കെടുത്തു മദ്രസ കോർഡിനേറ്റർ ശംസുദ്ധീൻ കൂടാളി സ്വാഗതവും പി . എം മുഹമ്മദ് മൗലവി നന്ദിയും പറഞ്ഞു
