പാലക്കാട്: ടർഫിൽ ഫുട്ബോൾ കളിക്കുന്നതിനിടെ പ്ലസ് വൺ വിദ്യാർഥി കുഴഞ്ഞുവീണ് മരിച്ചു. തോട്ടര എൽപി സ്കൂളിന് സമീപം കോട്ടയിൽ രാജൻ – ദീപ ദമ്പതികളുടെ മകൻ ദിൽരാജ് (16) ആണ് മരിച്ചത്. ഇന്നലെ രാത്രി പത്ത് മണിയോടെ ആയിരുന്നു സംഭവം.
കരിമ്പുഴയിലെ ടർഫിൽ കളിക്കാൻ എല്ലാ വെള്ളി, ശനി ദിവസങ്ങളിലും ദിൽരാജ് സുഹൃത്തുക്കൾക്കൊപ്പം പോകാറുണ്ടായിരുന്നു. ഇന്നലെ ടർഫിലെത്തി കളി തുടങ്ങി അല്പം കഴിഞ്ഞ് ദിൽരാജ് തലകറങ്ങി വീഴുകയായിരുന്നു. തുടർന്ന് ഉടൻതന്നെ അടുത്തുള്ള സ്വകാര്യ ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല.
SUMMARY: 16-year-old collapses and dies while playing football on a turf.
