ബെംഗളൂരു: കർണാടകയിലെ വോട്ടർ പട്ടിക തീവ്ര പരിഷ്കരണവുമായി ബന്ധപ്പെട്ട് നടനും ആക്ടിവിസ്റ്റുമായ പ്രകാശ് രാജ് നടത്തുന്ന 10 ദിവസത്തെ ‘SIR റെസിസ്റ്റൻസ് ടൂർ’ (SIR Resistance Tour) പര്യടനത്തിന് തുടക്കം. കർണാടകയിലെ കലബുറഗിയിൽ നാടോടികളുടെ കോളനിയായ രാമനഗറിൽ ഭരണഘടനാ ശിൽപി ബി.ആർ.അംബേദ്കറിന്റെ ചിത്രത്തിൽ പുഷ്പാർച്ചന നടത്തിയാണു യാത്ര ആരംഭിച്ചത്. സംസ്ഥാനത്തെ ചേരിപ്രദേശങ്ങൾ, പിന്നാക്ക വിഭാഗങ്ങളുടെ കോളനികൾ തുടങ്ങിയ ഇടങ്ങളിലൂടെയാണ് യാത്ര കടന്നു പോകുന്നത്.
വോട്ടർ പട്ടികയിൽ നിന്ന് പേരുകൾ ഒഴിവാക്കപ്പെട്ടതുമായി ബന്ധപ്പെട്ട് സമൂഹത്തിന്റെ അടിത്തട്ടിലുള്ളവരുടെ യാഥാർത്ഥ്യങ്ങൾ പുറത്തുകൊണ്ടുവരാനും തെളിവുകൾ ശേഖരിക്കാനുമാണ് പര്യടനം.
വോട്ടർ പട്ടികയിൽ നിന്ന് ഒഴിവാക്കപ്പെട്ടവരോ Absentee, Shifted, Dead, Duplicate (ASDDO) വിഭാഗങ്ങളിൽ ഉൾപ്പെടുത്തപ്പെട്ടവരോ ആയ സാധാരണക്കാരുടെ പ്രശ്നങ്ങൾ നേരിട്ട് മനസ്സിലാക്കുക. ചേരികളിലും പാർശ്വവൽക്കരിക്കപ്പെട്ട സമൂഹങ്ങളിലും ഉദ്യോഗസ്ഥർ നടത്തുന്ന നടപടികളിലെ അനീതി ജനങ്ങളിലെത്തിക്കുക എന്നിവയാണ് ലക്ഷ്യമെന്നും ശേഖരിക്കുന്ന തെളിവുകളും വിവരങ്ങളും ക്രോഡീകരിച്ച് സെപ്റ്റംബർ 30-ന് ബെംഗളൂരുവിൽ നടക്കുന്ന റൗണ്ട് ടേബിൾ കോൺഫറൻസിൽ അവതരിപ്പിക്കുമെന്നും തുടർന്ന് മുഖ്യമന്ത്രിക്ക് റിപ്പോർട്ട് സമർപ്പിക്കുമെന്നും പ്രകാശ് രാജ് പറഞ്ഞു.
Prakash Raj Launches ‘SIR Resistance Tour’ in Kalaburagi, Demands Rollback of Electoral Roll Revision
Kalaburagi, Karnataka
Actor-activist #PrakashRaj on Wednesday kicked off a 10-day statewide ‘SIR Resistance Tour’ from Ramanagar, a predominantly nomadic settlement in… pic.twitter.com/DWQfON2Mst
— Yasir Mushtaq (@path2shah) September 23, 2026
സാമൂഹിക പ്രവർത്തകരായ കെ.നീല, മീനാക്ഷി ബാലി, കെ.എൽ.അശോക്, ലക്ഷ്മൺ മണ്ഡലഗേര, രേണുക സിംഗെ തുടങ്ങിയവരാണു പ്രകാശ് രാജിനെ യാത്രയിൽ അനുഗമിക്കുന്നത്.
SUMMARY: S.I.R.; Prakash Raj embarks on a journey to meet and gather evidence from those excluded from the voters’ list.
