ബെംഗളൂരു: ഒക്ടോബർ മാസത്തിൽ കർണാടകയിലെ ബാങ്കുകൾ 10 ദിവസം അവധിയായിരിക്കും. ദേശീയ അവധികൾ, പ്രാദേശിക ആഘോഷങ്ങൾ, രണ്ടാം–നാലാം ശനി, ഞായറാഴ്ചകൾ എന്നിവ ഉള്‍പ്പെടെയാണ് അവധി.
ഗാന്ധിജയന്തി പ്രമാണിച്ച് ഇന്നലെ (വെള്ളിയാഴ്ച) ബാങ്കുകൾക്ക് അവധിയായിരുന്നു. തുടർന്ന് മാസത്തിലെ രണ്ടാം, നാലാം ശനിയാഴ്ചകളും എല്ലാ ഞായറാഴ്ചകളും പതിവ് അവധിയായിരിക്കും. സംസ്ഥാനത്ത് ദസറ ആഘോഷങ്ങളും വാൽമീകി ജയന്തിയും ഒക്ടോബറിൽ വരുന്നതിനാൽ ആ ദിവസങ്ങളിലും ബാങ്ക് ശാഖകളുടെ പ്രവർത്തനം ഉണ്ടായിരിക്കില്ല.
അതേസമയം, ബാങ്ക് അവധിയുള്ള ദിവസങ്ങളിലും ഓൺലൈൻ ബാങ്കിങ്, മൊബൈൽ ബാങ്കിങ്, എ.ടി.എം സേവനങ്ങൾ സാധാരണ പോലെ ലഭ്യമാകും. ശാഖകളിൽ നേരിട്ട് ചെയ്യേണ്ട അത്യാവശ്യ ഇടപാടുകൾ ഉള്ളവർ അവധി ദിവസങ്ങൾ കണക്കിലെടുത്ത് മുൻകൂട്ടി പൂർത്തിയാക്കുന്നത് ഉചിതമായിരിക്കും. വിവിധ സംസ്ഥാനങ്ങളിലെ പ്രാദേശിക ആഘോഷങ്ങൾക്കനുസരിച്ച് അവധി ദിവസങ്ങളിൽ വ്യത്യാസം വരാമെന്നതിനാൽ, ഉപഭോക്താക്കൾ അതത് ബാങ്കുകളുടെ ഔദ്യോഗിക അറിയിപ്പുകൾ പരിശോധിക്കേണ്ടതാണ്.
അവധി ദിവസങ്ങൾ ചുവടെ കൊടുക്കുന്നവയാണ്
ഒക്ടോബർ 4
ഞായറാഴ്ച
ഒക്ടോബർ 10
രണ്ടാം ശനി
ഒക്ടോബർ 11
ഞായറാഴ്ച
ഒക്ടോബർ 18
ഞായറാഴ്ച
ഒക്ടോബർ 20
മഹാനവമി / ആയുധപൂജ
ഒക്ടോബർ 21
വിജയദശമി
ഒക്ടോബർ 24
നാലാം ശനി
ഒക്ടോബർ 25
ഞായറാഴ്ച
ഒക്ടോബർ 26
വാൽമീകി ജയന്തി
