ഷാർജ: യുഎഇയിലെ ഷാർജയില്‍ എമിറേറ്റ്സ് റോഡിലുണ്ടായ വാഹനാപകടത്തില്‍ രണ്ട് മലയാളികള്‍ മരിച്ചു. കോഴിക്കോട് നന്മണ്ട കൂളിപ്പൊയില്‍ തണ്ടിക്കുന്നുമ്മല്‍ രമേഷ്‌കുമാർ (40), പാലക്കാട് ഒറ്റപ്പാലം അമ്പലപ്പാറ ചെറുമുണ്ടശ്ശേരി സ്വദേശി ഷാരിഖ് (25) എന്നിവരാണ് മരിച്ചത്. അപകടത്തില്‍ ഗുരുതരമായി പരുക്കേറ്റ ആലപ്പുഴ സ്വദേശിയെ ആശുപത്രിയില്‍ പ്രവേശിപ്പിച്ചു.
ഉമ്മുല്‍ഖുവൈനിലെ കാറ്ററിങ് കമ്പനിയില്‍ ജോലി ചെയ്യുന്ന മൂന്നുപേരും സഞ്ചരിച്ചിരുന്ന വാൻ ചൊവ്വാഴ്ച രാത്രി ഷാർജ മസ്ജിദിന് സമീപം എമിറേറ്റ്സ് റോഡില്‍ ട്രക്കുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ രണ്ടുപേർക്ക് ജീവൻ നഷ്ടമായി. ഗുരുതരമായി പരുക്കേറ്റ അജ്മല്‍ ഉമ്മുല്‍ഖുവൈൻ ആശുപത്രിയില്‍ ചികിത്സയില്‍ തുടരുകയാണ്.
മരിച്ചവരുടെ മൃതദേഹങ്ങള്‍ ഷാർജ അല്‍ഖാസിമി ആശുപത്രിയില്‍ സൂക്ഷിച്ചിരിക്കുകയാണ്. മൃതദേഹങ്ങള്‍ നാട്ടിലെത്തിക്കുന്നതിനുള്ള നടപടികള്‍ പുരോഗമിക്കുകയാണ്.
SUMMARY: Road accident in Sharjah; two Malayalis die
