ബെംഗളൂരു: ഗ്രേറ്റർ ബെംഗളൂരു അതോറിറ്റിക്ക് കീഴിലുള്ള നഗരസഭാ തിരഞ്ഞെടുപ്പിനായുള്ള വോട്ടർ പട്ടികയുടെ അന്തിമ പ്രസിദ്ധീകരണം 2027 ജനുവരി 20-ന് നടത്തും. വോട്ടർ പട്ടിക പുതുക്കുന്നതിനുള്ള പ്രത്യേക സംക്ഷിപ്ത പരിഷ്കരണത്തിന്റെ സമയക്രമം തിരഞ്ഞെടുപ്പ് അധികൃതർ പ്രഖ്യാപിച്ചു.
ഇതനുസരിച്ച് കരട് വോട്ടർ പട്ടിക ഡിസംബർ ഒന്നിന് പ്രസിദ്ധീകരിക്കും. പട്ടികയിലെ പേരുകൾ, വിലാസം, മറ്റ് വിവരങ്ങൾ എന്നിവ സംബന്ധിച്ച പരാതികളും ആക്ഷേപങ്ങളും ഡിസംബർ ഒന്ന് മുതൽ 31 വരെ സമർപ്പിക്കാം. ലഭിക്കുന്ന പരാതികൾ പരിശോധിച്ച് ജനുവരി 14-നകം തീർപ്പാക്കാനാണ് നിശ്ചയിച്ചിരിക്കുന്നത്. തുടർന്ന് തിരുത്തലുകൾ പൂർത്തിയാക്കി ജനുവരി 20-ന് അന്തിമ വോട്ടർ പട്ടിക പ്രസിദ്ധീകരിക്കും.
ജി.ബി.എ.യുടെ പരിധിയിലുള്ള നഗരസഭാ തിരഞ്ഞെടുപ്പിന് മുന്നോടിയായി വോട്ടർ പട്ടിക കൃത്യവും പുതുക്കിയതുമാക്കുകയാണ് നടപടിയുടെ ലക്ഷ്യം. പുതിയ വോട്ടർമാരെ ചേർക്കുന്നതിനും പട്ടികയിലെ തെറ്റുകൾ തിരുത്തുന്നതിനും വിലാസമാറ്റം ഉൾപ്പെടെയുള്ള വിവരങ്ങൾ പുതുക്കുന്നതിനും ഈ ഘട്ടത്തിൽ അവസരമുണ്ടാകും.
SUMMARY: G.B.A. Final publication of voter list on January 20















