ബെംഗളൂരു: ബിബിഎംപി അഡ്മിനിസ്ട്രേറ്ററായി എസ്. ഉമാശങ്കർ ചുമതലയേറ്റു. നഗരവികസന വകുപ്പ് അഡീഷണൽ ചീഫ് സെക്രട്ടറിയായിരുന്നു അദ്ദേഹം. കഴിഞ്ഞ മൂന്ന് വർഷമായി ബിബിഎംപി അഡ്മിനിസ്ട്രേറ്ററായിരുന്ന രാകേഷ് സിംഗ് ഐഎഎസ് മെയ് 31ന് വിരമിച്ചിരുന്നു.
ബിബിഎംപി ചീഫ് കമ്മീഷണർ തുഷാർ ഗിരിനാഥിന് അഡ്മിനിസ്ട്രേറ്ററായി അധിക ചുമതല നൽകുമെന്ന് ഊഹാപോഹങ്ങൾ പ്രചരിച്ചിരുന്നു. എന്നാൽ മുനിസിപ്പൽ തിരഞ്ഞെടുപ്പ് വരെ ബിബിഎംപി ചീഫ് കമ്മീഷണറായി തന്നെ തുടരാൻ ഗിരിനാഥിനോട് സർക്കാർ ആവശ്യപ്പെടുകയായിരുന്നു.
മഴക്കാലവുമായി ബന്ധപ്പെട്ട പ്രശ്നങ്ങൾ മുൻഗണനാക്രമത്തിൽ പരിഹരിക്കുന്നതിന് എല്ലാ ഉദ്യോഗസ്ഥർക്കും ഏജൻസികൾക്കും നിർദ്ദേശങ്ങൾ നൽകുമെന്ന് പുതിയ അഡ്മിനിസ്ട്രേറ്റർ ഉമാശങ്കർ പറഞ്ഞു. മഴ സംബന്ധമായ പ്രശ്നങ്ങൾ, മരങ്ങൾ, കുഴികൾ എന്നിവ പൊതുജനങ്ങൾക്ക് ബുദ്ധിമുട്ട് ഉണ്ടാക്കുന്നില്ലെന്ന് ഉറപ്പാക്കാൻ എട്ട് സോണൽ കമ്മീഷണർമാരോടും ആവശ്യപ്പെട്ടിട്ടുണ്ടെന്ന് ഉമാശങ്കർ വ്യക്തമാക്കി.
TAGS: BBMP| BENGALURU UPDATES
SUMMARY: S umashankar takes charge as bbmp administrator
