ബെംഗളൂരു: കബാബുകളിൽ ഭക്ഷ്യയോഗ്യമല്ലാത്ത രാസവസ്തുക്കൾ കണ്ടെത്തിയതായി ഫുഡ് സേഫ്റ്റി ആൻഡ് സ്റ്റാൻഡേർഡ് ഡിപ്പാർട്ട്മെൻ്റ്. ബെംഗളൂരുവിലെ ഹോട്ടലുകളിൽ നിന്നും ശേഖരിച്ച കബാബുകളിൽ നടത്തിയ പരിശോധനയിലാണ് 30 ശതമാനവും ഭക്ഷ്യയോഗ്യമല്ലെന്ന് കണ്ടെത്തിയത്. ജൂലൈയിൽ നടത്തിയ സ്പെഷ്യൽ ഡ്രൈവിൽ, പരിശോധിച്ച 275 കബാബ് സാമ്പിളുകളിൽ 78 എണ്ണത്തിലും ഏകദേശം ടാർട്രാസൈൻ പോലുള്ള ഹാനികരമായ കൃത്രിമ നിറങ്ങളുടെ സാന്നിധ്യം കണ്ടെത്തിയിട്ടുണ്ട്.
15 ശതമാനം ഗോബി (കോളിഫ്ളവർ) സാമ്പിളുകളിൽ സുരക്ഷിതമല്ലാത്ത കൃത്രിമ കളറിംഗ്, കാർമോയ്സിൻ എന്നിവ അടങ്ങിയിട്ടുണ്ടെന്നും പരിശോധനയിൽ കണ്ടെത്തിയതായി ആരോഗ്യ മന്ത്രി ദിനേശ് ഗുണ്ടുറാവു അറിയിച്ചു.
പച്ചക്കറികളും പഴങ്ങളും, താരതമ്യേന സുരക്ഷിതമാണെങ്കിലും, മലിനീകരണത്തിൽ നിന്ന് പൂർണ്ണമായും മുക്തമല്ല. പരിശോധിച്ച 266 സാമ്പിളുകളിൽ ഏകദേശം 10 ശതമാനത്തിലും ഉയർന്ന തോതിലുള്ള കീടനാശിനിയുടെ അംശവും ഫംഗസ് സാന്നിധ്യവും കണ്ടെത്തിയിട്ടുണ്ട്.
ഓഗസ്റ്റിൽ ശേഖരിച്ച പനീർ, ഖോവ, കേക്ക് തുടങ്ങിയ ഭക്ഷ്യവസ്തുക്കളുടെ സുരക്ഷയെക്കുറിച്ചുള്ള റിപ്പോർട്ടുകൾ ഉടൻ പുറത്തുവിടുമെന്ന് മന്ത്രി പറഞ്ഞു. കൂടാതെ, നിരവധി പരാതികളെത്തുടർന്ന് നഗരത്തിലെ പിജി താമസസ്ഥലങ്ങളിൽ നിന്നുള്ള ഭക്ഷണ സാമ്പിളുകളും സൂക്ഷ്മപരിശോധനയിലാണ്.
TAGS: BENGALURU | KEBABS
SUMMARY: Food safety department finds nearly 30% of kebab samples in Bengaluru unsafe for consumption
