ന്യൂഡൽഹി: സൊമാറ്റോ ഫുഡ് ഡെലിവറി ബിസിനസിന്റെ ചീഫ് ഓപ്പറേറ്റിംഗ് ഓഫീസർ റിൻഷുൽ ചന്ദ്ര രാജി വെച്ചു. പുതിയ അവസരങ്ങളും അഭിനിവേശങ്ങളും പിന്തുടരാൻ വേണ്ടിയാണ് രാജിയെന്നാണ് റിൻഷുൽ ചന്ദ്ര അറിയിച്ചത്. ഏപ്രിൽ 7 മുതൽ പ്രാബല്യത്തിൽ വരുന്ന തരത്തിൽ എറ്റേണൽ ലിമിറ്റഡിന്റെ ഫുഡ് ഓർഡറിംഗ് ആൻഡ് ഡെലിവറി ബിസിനസ് സിഒഒ സ്ഥാനത്ത് നിന്ന് രാജിവയ്ക്കാൻ തീരുമാനിച്ചതായും അദ്ദേഹം പറഞ്ഞു.
തന്റെ രാജി സൊമാറ്റോ സ്ഥാപകനും സിഇഒയുമായ ദീപീന്ദർ ഗോയൽ സ്വീകരിച്ചതായി അദ്ദേഹം പറഞ്ഞു. സൊമാറ്റോ കോർപ്പറേറ്റ് സ്ഥാപനത്തിന്റെ പേര് എറ്റേണൽ എന്നാക്കി മാറ്റിയെങ്കിലും, അവരുടെ ഫുഡ് ഡെലിവറി ബിസിനസായ സൊമാറ്റോയുടെ ബ്രാൻഡ് നാമം ആപ്പിനൊപ്പം തുടരുകയാണ്.
TAGS: ZOMATO
SUMMARY: Zomato coo resigns from post
