ബെംഗളൂരു: മാലിന്യ ട്രക്കിടിച്ച് ആറ് വയസുകാരി മരിച്ചു. ഹുബ്ബള്ളി സോണിയ ഗാന്ധി നഗറിലാണ് അപകടമുണ്ടായത്. ഹമീദബാനു കബാഡെ ആണ് മരിച്ചത്. ഹുബ്ബള്ളി ധാർവാഡ് മുനിസിപ്പൽ കോർപ്പറേഷന്റെ (എച്ച്ഡിഎംസി) മാലിന്യ ലോറിയാണ് കുട്ടിയെ ഇടിച്ചത്.
നിയന്ത്രണം വിട്ട മാലിന്യ ലോറി പെൺകുട്ടിയെ ഇടിച്ചു വീഴ്ത്തുകയായിരുന്നു. റോഡിലേക്ക് തെറിച്ചു വീണ കുട്ടിയുടെ ദേഹത്ത് കൂടി മറ്റൊരു വാഹനം കയറിയിറങ്ങി. കുട്ടി സംഭവസ്ഥലത്ത് തന്നെ മരിച്ചു. സംഭവത്തിന്റെ ദൃശ്യങ്ങൾ സമീപത്തെ സിസിടിവി ക്യാമറയിൽ പതിഞ്ഞിട്ടുണ്ട്. കുട്ടിയുടെ മൃതദേഹം പോസ്റ്റ്‌മോർട്ടത്തിനായി കിംസ് ആശുപത്രിയിലേക്ക് മാറ്റി. സംഭവത്തിൽ ഹുബ്ബള്ളി സൗത്ത് ട്രാഫിക് പോലീസ് കേസെടുത്തു.
TAGS: KARNATAKA | ACCIDENT
SUMMARY: Six year old dies as garbage truck hits her
