ബെംഗളൂരു: വൈദ്യുതാഘാതാമേറ്റ് ഒമ്പത് വയസുകാരൻ മരിച്ചു. തുമകുരു ചിക്കനായകനഹള്ളി താലൂക്കിലെ സോമനഹള്ളിയിൽ തിങ്കളാഴ്ചയാണ് സംഭവം. കുശാൽ ആണ് മരിച്ചത്. രാത്രി വീട്ടിലെ കുളിമുറിയിലേക്ക് പോകുന്നതിനിടെയാണ് കുട്ടിക്ക് ഷോക്കേറ്റത്. കുശാല്‍ കുളിമുറിയിലേക്ക് പോകുന്നതിനിടെ അബദ്ധത്തിൽ നിലത്ത് കിടന്നിരുന്ന വൈദ്യുതി വയറിൽ ചവിട്ടുകയായിരുന്നു.
ഷോക്കേറ്റ കുട്ടിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പലതവണ പരാതിപ്പെട്ടിട്ടും ബെസ്കോം അധികൃതര്‍ വൈദ്യുതി ലൈനുകള്‍ ശരിയാക്കാന്‍ ഒരു നടപടിയും സ്വീകരിച്ചില്ലെന്ന് കുട്ടിയുടെ പിതാവ് മഹേഷ്‌ ആരോപിച്ചു. മകന്റെ മരണത്തിൽ ബെസ്കോം ജീവനക്കാരാണ് ഉത്തരവാദികൾ എന്നും അദ്ദേഹം പറഞ്ഞു. സംഭവത്തിൽ മഹേഷിന്റെ പരാതിയിൽ ചിക്കനായകനഹള്ളി പോലീസ് കേസ് രജിസ്റ്റര്‍ ചെയ്തു.
TAGS: KARNATAKA | DEATH
SUMMARY: 9-year-old boy dies after electrocution
