ന്യൂഡല്‍ഹി: തുടർച്ചയായി ഏഴാം തവണയും പലിശനിരക്കില്‍ മാറ്റംവരുത്താതെ റിസര്‍വ് ബാങ്ക്. റിപ്പോ നിരക്ക് 6.5 ശതമാനമായി തുടരുമെന്ന് റിസർവ് ബാങ്ക് ഗവർണർ ശക്തികാന്ത ദാസ് അറിയിച്ചു. വേനലും വരള്‍ച്ചയും അടക്കമുള്ള സാഹചര്യങ്ങള്‍ പരിഗണിച്ചാണ് തീരുമാനം. 2024-25 സാമ്പത്തിക വർഷത്തിൽ ജിഡിപി വളർച്ച 7% ആയിരിക്കുമെന്നും ഉപഭോക്തൃ വിലസൂചികപണപ്പെരുപ്പം 4.5% ആയിരിക്കുമെന്നും ശക്തികാന്ത ദാസ് വ്യക്തമാക്കി.
റിസർവ് ബാങ്ക് വാണിജ്യ ബാങ്കകൾക്ക് നൽകുന്ന ഹ്രസ്വകാല വായ്പയുടെ പലിശനിരക്കാണ് റിപ്പോ. ഇതോടെ നിലവിലുള്ള വായ്പാ പലിശ നിരക്കുകളും മാറ്റമില്ലാതെ തുടരും. രാജ്യത്തെ പണപ്പെരുപ്പം ലക്ഷ്യത്തിലേക്ക് അടുക്കുകയാണെന്നും ശക്തികാന്ത ദാസ് പറഞ്ഞു. കഴിഞ്ഞ ഒമ്പത് മാസമായി പ്രധാന പണപ്പെരുപ്പം ക്രമാനുഗതമായി കുറഞ്ഞു. അതേസമയം ഇന്ധന ഘടകം തുടര്‍ച്ചയായി ആറ് മാസമായി പണപ്പെരുപ്പത്തില്‍ തുടരുകയാണ് എന്നും അദ്ദേഹം കൂട്ടിച്ചേര്‍ത്തു.
The post പലിശനിരക്കിൽ മാറ്റമില്ല; വായ്പാ പണനയം പ്രഖ്യാപിച്ച് റിസർവ് ബാങ്ക് appeared first on News Bengaluru.
Powered by WPeMatico
WhatsApp
Telegram
