ബെംഗളൂരു: ദീപ്തി വെല്‍ഫയര്‍ അസോസിയേഷന്‍ സംഘടിപ്പിച്ച ‘പൊന്നോണ ദീപ്തി-24’ ദാസറഹള്ളി ചൊക്കസാന്ദ്രയിലെ മഹിമപ്പ സ്‌കൂള്‍ ഗ്രൗണ്ടില്‍ നടന്നു. അന്തര്‍ സംസ്ഥാന വടംവലി മത്സരത്തില്‍ കേരളത്തില്‍ നിന്ന് 13 ടീമുകള്‍ മാറ്റുരച്ചു. മത്സരത്തില്‍ ഒന്നാം സമ്മാനം ജാലഹള്ളി മുത്തപ്പന്‍ ട്രസ്റ്റ് സ്പോണ്‍സര്‍ ചെയ്ത ജെ.ആര്‍.പി അഡ്മാസ് മുക്കവും, രണ്ടാം സമ്മാനം ബോയ്സ് ആഫ്റ്റര്‍ സെവന്‍ സ്പോണ്‍സര്‍ ചെയ്ത ഗ്രാന്‍ഡ് സ്റ്റാര്‍ പുളിക്കലും, മൂന്നാം സമ്മാനം ദി റോപ്പ് വാരിയര്‍സ് സ്പോണ്‍സര്‍ ജാസ് വണ്ടൂരും. നാലാം സമ്മാനം യാത്ര ട്രാവല്‍സ് സ്പോണ്‍സര്‍ സുല്‍ത്താന്‍ ബോയ്സ് എന്നീ ടീമുകളും കരസ്ഥമാക്കി. തുടര്‍ന്ന് നടന്ന ചടങ്ങില്‍ മുന്‍ കോര്‍പറേറ്റര്‍ എം. മുനിസ്വാമിയെ സദസ്സില്‍ ആദരിച്ചു, കവിയും എഴുത്തുകാരനുമായ രാജന്‍ കൈലാസ്, ദാസാറഹള്ളി എം.ല്‍.എ. എസ്.മുനിരാജു എന്നിവര്‍ സന്നിഹിതരായിരുന്നു. ദീപ്തി മുന്‍കാല പ്രവര്‍ത്തരെ ആദരിക്കല്‍, റിഥം ഓഫ് കേരള – കടമ്പനാട് ജയചന്ദ്രന്‍, ശ്രീലക്ഷ്മി ജയചന്ദ്രന്‍ എന്നിവരുടെ ഗാനലാപനവും നടന്നു.
പ്രോഗ്രാം കമ്മറ്റി ചെയര്‍മാന്‍ പി. കൃഷ്ണകുമാര്‍, ജനറല്‍ കണ്‍വീനര്‍ ഉണ്ണികൃഷ്ണന്‍, കെ. സന്തോഷ് കുമാര്‍ (പ്രസിഡണ്ട്), ഇ. കൃഷ്ണദാസ് (ജന. സെക്രട്ടറി), വിഷ്ണുമംഗലം കുമാര്‍, പി.വി. സലീഷ്, ബേബിജോണ്‍, സന്തോഷ് ടി.ജോണ്‍, പ്രവീണ്‍ കെ., വിജേഷ് ഇ. എന്നിവരുടെ നേതൃത്വത്തിലാണ് ഓണാഘോഷം സംഘടിപ്പിച്ചത്.
<BR>
TAGS : ONAM-2024
WhatsApp
Telegram
