ബെംഗളൂരു: സംസ്ഥാനത്ത് നന്ദിനി പാലിന്റെ വില ഉടൻ വർധിപ്പിക്കില്ല. നിലവിലുള്ള വിലക്കയറ്റം പൊതുജനങ്ങളെ ബുദ്ധിമുട്ടിക്കുന്നുണ്ട്. ഇതോടൊപ്പം പാൽ വില കൂടി വർധിപ്പിക്കാൻ സർക്കാർ തയ്യാറല്ലെന്ന് മുഖ്യമന്ത്രി സിദ്ധരാമയ്യ പറഞ്ഞു.
ഒക്ടോബർ മുതൽ പാൽ വില വർധിപ്പിക്കുമെന്ന് മുഖ്യമന്ത്രി കഴിഞ്ഞ മാസം പ്രഖ്യാപിച്ചിരുന്നു. നിലവിലുള്ള വില ക്ഷീരകർഷകർക്ക് സഹായകരമാകുന്നില്ലെന്ന് കർണാടക മിൽക്ക് ഫെഡറേഷൻ (കെഎംഎഫ്) വ്യക്തമാക്കിയതോടെയാണ് പാൽ വില വർധിപ്പിക്കാൻ തീരുമാനിച്ചത്. കഴിഞ്ഞ ജൂണിലാണ് നന്ദിനി പാലിന്റെ വില ലിറ്ററിന് 2 രൂപ വർധിപ്പിച്ചത്. വില വർധന നടപ്പാക്കിയപ്പോൾ ഓരോ പാക്കിലും 50 മില്ലി അധിക പാൽ അധികമായി ചേർത്തിരുന്നു. എന്നാൽ
പാലിന്റെ വില വീണ്ടും കൂട്ടണമെന്ന് ആവശ്യപ്പെട്ട് കെഎംഎഫ് അംഗങ്ങൾ കഴിഞ്ഞ മാസം മുഖ്യമന്ത്രിക്ക് കത്ത് നൽകിയിരുന്നു. വിലവർധനവിൽ നിന്നുള്ള മുഴുവൻ തുകയും കർഷകർക്ക് നേരിട്ട് നൽകാനാണ് കെഎംഎഫ് തീരുമാനിച്ചിരിക്കുന്നത്. ഓരോ പാക്കറ്റിലും പാലിൻ്റെ അളവ് കൂടുന്നതിന് ആനുപാതികമായാണ് വില വർധനയെന്ന് മുഖ്യമന്ത്രി പറഞ്ഞു.
നേരത്തെ ലിറ്ററിന് 2 രൂപയാണ് വർധിപ്പിച്ചിരിക്കുന്നത്. എന്നാൽ ഉപഭോക്താക്കൾക്ക് ഓരോ 500 മില്ലി, 1,000 മില്ലി പാക്കറ്റുകളിലും 50 മില്ലി അധികമായി ലഭിക്കുന്നുണ്ടെന്ന് സിദ്ധരാമയ്യ പറഞ്ഞു. ഇതിനു മുമ്പ് 2023 ജൂലൈയിലാണ് കെഎംഎഫ് നന്ദിനി പാലിൻ്റെ വില വർധിപ്പിച്ചിരുന്നത്. നിലവിലെ വിലയനുസരിച്ച്, നന്ദിനി പാൽ (നീല പാക്കറ്റ്) ലിറ്ററിന് 44 രൂപയും ഓറഞ്ച് പാക്കറ്റിന് 48 രൂപയും ശുഭം 50 രൂപയും സമൃദ്ധി ലിറ്ററിന് 53 രൂപയുമാണ്.
TAGS:KARNATAKA | PRICE HIKE
SUMMARY: Karnataka govt may put milk price hike on hold, at least for now
WhatsApp
Telegram
