പൂനെ: മൂന്നംഗ മലയാളി കുടുംബത്തെ പൂനെയില് ആത്മഹത്യ ചെയ്ത നിലയില് കണ്ടെത്തി. തിരുവനന്തപുരം സ്വദേശികളാണ് അച്ഛനും അമ്മയും മകളുമാണ് ജീവനൊടുക്കിയത്. വിഷവാതകം ശ്വസിച്ചാണ് മൂന്നു പേരും മരിച്ചത്. ഇവരുടെ ഫ്ലാറ്റില് നിന്ന് ആത്മഹത്യ കുറിപ്പ് കണ്ടെത്തി. തിരുവനന്തപുരം സ്വദേശി പി.എസ്. വിനോദ് (47), ഭാര്യ സില്ജ പിള്ള (44), മകള് പൂർണിമ (20) എന്നിവരാണ് മരിച്ചത്.
പിംപ്രി മോർവാഡിയിലെ കരിഷ്മ ഗ്ലോറി ഫ്ലാറ്റിലാണ് ഇവർ താമസിച്ചിരുന്നത്. മൂന്നു പേരെയും ഫ്ലാറ്റിനു വെളിയില് കാണാതായതിനെ തുടർന്ന് സുഹൃത്തുക്കള് അന്വേഷിക്കുകയായിരുന്നു. തുടർന്നാണ് വിഷവാതകം ശ്വസിച്ച് അബോധാവസ്ഥയിലായ നിലയില് മൂവരേയും കണ്ടെത്തുന്നത്.
ആശുപത്രിയില് എത്തിച്ചതിനു പിന്നാലെ വിനോദിന്റെ മരണം സ്ഥിരീകരിക്കുകയായിരുന്നു. ഭാര്യയും മകളും ചികിത്സയില് കഴിയുന്നതിനിടെ മരിക്കുകയായിരുന്നു. സാമ്പത്തിക പ്രശ്നങ്ങളെ തുടർന്നാണ് ആത്മഹത്യ ചെയ്യുന്നത് എന്ന് പറഞ്ഞുകൊണ്ടുള്ള കത്തും ഫ്ലാറ്റില് നിന്ന് കിട്ടി.
SUMMARY: Three-member Malayali family found dead in Pune
