ന്യൂഡൽഹി: ഡല്ഹി കലാപക്കേസില് ഗൂഢാലോചനാക്കുറ്റം ചുമത്തപ്പെട്ട് ജയിലില് കഴിയുന്ന ജെഎൻയു വിദ്യാർഥി നേതാവ് ഉമർ ഖാലിദിന് താത്കാലിക ജാമ്യം. ഏഴ് ദിവസത്തേക്കാണ് ഡല്ഹി കോടതി ജാമ്യം അനുവദിച്ചത്. യുഎപിഎ ചുമത്തപ്പെട്ട ഉമർ ഖാലിദ് 2020 സെപ്തംബർ മുതല് ജയിലിലാണ്.
ബന്ധുവിന്റെ വിവാഹത്തില് പങ്കെടുക്കുന്നതിനാണ് അഡീഷണല് സെഷൻസ് ജഡ്ജി സമീർ ബാജ്പെയ് ഉമർ ഖാലിദിന് ജാമ്യം അനുവദിച്ചത്. കർശന വ്യവസ്ഥകളോടെയാണ് ജാമ്യം അനുവദിച്ചത്. സാക്ഷികളുമായി ബന്ധപ്പെടരുത്, സമൂഹമാധ്യമങ്ങള് ഉപയോഗിക്കരുത്, ബന്ധുക്കളെയും സുഹൃത്തുകളെയും മാത്രമേ കാണാവൂ തുടങ്ങിയവയാണ് നിബന്ധനകള്.
രണ്ട് ആള് ജാമ്യവും 20,000 രൂപ കെട്ടിവെക്കുകയും വേണം. 2022 ഒക്ടോബറില് ഡല്ഹി ഹൈക്കോടതി ഉമർ ഖാലിദിന് ജാമ്യം നിഷേധിച്ചിരുന്നു. തുടർന്ന് സുപ്രിംകോടതിയെ സമീപിച്ചെങ്കിലും പിന്നീട് ഹർജി പിൻവലിച്ചു. ഈ വർഷം ആദ്യത്തില് സ്ഥിരജാമ്യം തേടി വീണ്ടും വിചാരണക്കോടതിയെ സമീപിച്ചെങ്കിലും കോടതി നിരസിച്ചു. സ്ഥിരജാമ്യം തേടിയുള്ള രണ്ടാമത്തെ ഹർജി തള്ളിയത് ചോദ്യം ചെയ്ത് ഉമർ ഖാലിദ് സമർപ്പിച്ച ഹർജി നിലവില് ഡല്ഹി ഹൈക്കോടതിയുടെ പരിഗണനയിലാണ്.
TAGS : UMAR KHALID
SUMMARY : Umar Khalid granted interim bail
WhatsApp
Telegram
