ഡല്‍ഹി: പത്മശ്രീ പുരസ്കാരത്തിന്‍റെ ആദ്യ ഘട്ട പട്ടിക പ്രഖ്യാപിച്ചു. ആദ്യഘട്ടത്തിൽ പത്മശ്രീ പുരസ്കാരം നേടിയ 31 പേരുടെ പട്ടികയാണ് ഇന്ന് പുറത്തുവന്നത്. തമിഴ്നാട്ടിൽ നിന്നുള്ള വാദ്യ സംഗീതഞ്ജൻ വേലു ആശാൻ, പാരാ അതലറ്റ് ഹർവീന്ദ്രർ സിങ്ങ്, കുവൈത്തിലെ യോഗ പരിശീലക ഷെയ്ക എ ജെ അൽ സഭാഹാ, നടോടി ഗായിക ബാട്ടുൽ ബീഗം, സ്വാതന്ത്രസമര സേനാനി ലീബാ ലോ ബോ സർദേശായി എന്നിവര്‍ ഉള്‍പ്പെടെ 31 പേരാണ് പത്മശ്രീ പുരസ്കാരത്തിന് അര്‍ഹരായത്.
രാഷ്ട്രപതിയുടെ സേനാ മെഡലുകളും പ്രഖ്യാപിച്ചു. രണ്ട് മലയാളികൾ രാഷ്ട്രപതിയുടെ വിശിഷ്ട സേവാ മെഡലിന് അര്‍ഹരായി. വ്യോമസേനയില്‍ നിന്നുള്ള രണ്ടു മലയാളികളാണ് പരം വിശിഷ്ട സേവാ മെഡലിന് അര്‍ഹരായത്.
സതേണ്‍ എയര്‍ കമാന്‍ഡ് മേധാവിയും കോട്ടയം സ്വദേശിയുമായ എയര്‍കമാന്റ് ഇന്‍ചീഫ്മാര്‍ഷല്‍ ബി മണികണ്ഠനും അന്തമാന്‍ നിക്കോബാര്‍ കമാന്‍ഡ് ഇന്‍ ചീഫ് എയര്‍ മാര്‍ഷല്‍ സാജു ബാലകൃഷ്ണനുമാണ് പരം വിശിഷ്ട സേവ മെഡലുകള്‍ക്ക് അര്‍ഹരായത്.
അതേസമയം, എഴുപത്തിയാറാം റിപ്പബ്ലിക് ദിനാഘോഷത്തിനുള്ള അവസാനവട്ട ഒരുക്കത്തിലാണ് രാജ്യതലസ്ഥാനം. ഞായറാഴ്ച ഡൽഹിയിൽ നടക്കുന്ന ചടങ്ങിൽ ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ മുഖ്യാതിഥിയാകും. റിപ്പബ്ലിക്ക് ദിനപരേഡിനുള്ള അവസാനഘട്ട തയ്യാറെടുപ്പും ഡല്‍ഹിയിൽ പൂർത്തിയായി.
<br>
TAGS : PADMA AWARDS
SUMMARY : Padma Shri Award; First phase list announced, President’s Distinguished Service Medal for two Malayalis
