ഭാഗവത സപ്താഹയജ്ഞം നാളെ സമാപിക്കും

ബെംഗളൂരു: ന്യുതിപ്പസാന്ദ്ര അയ്യപ്പ ക്ഷേത്രത്തിൽ നടക്കുന്ന ശ്രീമത് ഭാഗവത സപ്താഹ യജ്ഞത്തിന് നാളെ സമാപനമാകും. ആചാര്യൻ പെരികമന ശ്രീനാഥ് നമ്പൂതിരി, പയ്യന്നൂർ, സഹ ആചാര്യൻ മുരളി കൃഷ്ണൻ നമ്പൂതിരി എന്നിവരുടെ കാർമ്മികത്വത്തിൽ ആറാം ദിവസമ്മയ ഇന്ന് ഉച്ചക്ക് ഗോവിന്ദാഭിഷേകം നടന്നു. ക്ഷേത്രപരിസരത്ത് നിന്ന് ആരംഭിച്ച് രുഗ്മിണി സ്വയംവരം ഘോഷയാത്രയ്ക്ക് യജ്ഞ വേദിയിൽ വാദ്യഘോഷത്തോടെ സ്വീകരണം നല്കി. ഭക്തജനങ്ങൾക്ക് പ്രസാദ വിതരണവും നടന്നു. നാളെ സ്വർഗ്ഗാരോഹണം, കൽകി അവതാരത്തോടെ മംഗളം. ആരതി അർച്ചന, അന്നദാനം എന്നിവയോടെ സപ്താഹയജ്ഞം പര്യവസാനിക്കുമെന്ന് ക്ഷേത്ര ഭാരവാഹികള്‍ അറിയിച്ചു.
SUMMARY: Bhagavata Saptahayajna will conclude tomorrow