ബെംഗളൂരു: സംസ്ഥാനത്ത് കടുവകൾ ചാവുന്നത് ക്രമാതീതമായി വർധിച്ചതായുള്ള ദേശീയ കടുവസംരക്ഷണ അതോറിറ്റിയുടെ റിപ്പോർട്ടിനെ തുടർന്ന് അന്വേഷണത്തിന് ഉത്തരവിട്ട് കർണാടക സർക്കാർ.
കഴിഞ്ഞ അഞ്ചരവർഷത്തിനിടെ സംസ്ഥാനത്ത് 82 കടുവകളാണ് ചത്തത്. ആറുമാസത്തിനിടെ 10 കടുവ ചത്തു. കഴിഞ്ഞയാഴ്ചയിൽ ചാമരാജനഗർ ജില്ലയിലെ എംഎം ഹിൽസ് കടുവസങ്കേതത്തിൽ അഞ്ച് കടുവയെ ചത്തനിലയിൽ കണ്ടെത്തിയിരുന്നു.
കടുവകൾ ചത്തതുമായി ബന്ധപ്പെട്ട് വിശദമായ റിപ്പോർട്ടുനൽകാൻ വനംവകുപ്പ് അഡീഷണൽ ചീഫ് സെക്രട്ടറിക്ക് മന്ത്രി ഈശ്വർ ഖാൻഡ്രെ നിർദേശംനൽകി. 82 കടുവ ചത്തതിന്റെ കാരണമടക്കം റിപ്പോർട്ടിൽ വിശദീകരിക്കണം. 10 ദിവസത്തിനുള്ളിൽ റിപ്പോർട്ട് സമർപ്പിക്കണമെന്നാണ് നിർദേശം.
SUMMARY: 82 tigers during the five-fours;Goverment order to enquiry
