തിരുവനന്തപുരം: തിരുവനന്തപുരത്ത് കെ എസ് ആർ ടി സി ബസുകള് തമ്മില് കൂട്ടിയിടിച്ച് അപകടം കാട്ടാക്കടയില് നിന്നും നെയ്യാർ ഡാമിലേക്ക് പോയ ബസും നെയ്യാറില് നിന്നും കാട്ടാക്കടയിലേക്ക് വന്ന ബസും കൂട്ടിയിടിച്ചാണ് അപകടം ഉണ്ടായത്. ഇന്ന് രാവിലെയാണ് അപകടമുണ്ടായത്. അപകടത്തില് മുപ്പതോളം പേർക്ക് പരുക്കേറ്റു.
ഇടിച്ച ഒരു ബസിന്റെ ഡ്രൈവറുടെ നില അതീവ ഗുരുതരമാണെന്നാണ് വിവരം. കള്ളിക്കാട് പെരിഞ്ഞാംകടവിലാണ് അപകടം ഉണ്ടായത്. നെയ്യാർ ഡാമില് നിന്നും കാട്ടാക്കടയില് വന്ന ബസിന്റെ ഡ്രൈവർ വാഹനത്തില് കുടുങ്ങിക്കിടക്കുകയാണ്. അയാളെ പുറത്തിറക്കാനുള്ള ശ്രമമാണ് നാട്ടുകാരും ഫയർഫോഴ്സും ചേർന്ന് നടത്തുകയാണ്.
ഇരു ബസുകളിലെയും യാത്രക്കാർക്ക് ഗുരുതരമായി പരുക്കേറ്റിട്ടുണ്ട്. പരുക്കേറ്റവരെ അടുത്തുള്ള ആശുപത്രികളില് പ്രവേശിപ്പിച്ചതായാണ് വിവരം. ഇരു ബസുകളുടെയും മുൻ വശങ്ങള് പൂർണ്ണമായും തകർന്ന നിലയിലാണ്.
SUMMARY: KSRTC buses collide in accident; around 30 injured
WhatsApp
Telegram
