വാല്‍പ്പാറ: തമിഴ്നാട് വാല്‍പ്പാറയില്‍ കാട്ടാനയുടെ ആക്രമണത്തില്‍ മുത്തശ്ശിയും രണ്ടര വയസുകാരിയും മരിച്ചു. ഉമ്മാണ്ടി മുടക്ക് എസ്റ്റേറ്റിന് സമീപം പുലർച്ചെ രണ്ടരയ്ക്കാണ് സംഭവം ഉണ്ടായത്. മരിച്ചവർ അസലാ (52)യും ഹേമശ്രീ (2½)യുമാണ്. പുലർച്ചെ വീടിനോട് ചേർന്ന് എത്തിയ രണ്ട് കാട്ടാനകള്‍ ജനല്‍ തകർക്കുന്നതറിഞ്ഞ മുത്തശ്ശി, കൊച്ചുമകളെ കയ്യിലെടുത്ത് വീടിനുള്ളില്‍ നിന്ന് രക്ഷപ്പെടാൻ ശ്രമിച്ചു.
എന്നാല്‍ വീടിന്റെ മുൻവശത്ത് നില്‍ക്കുകയായിരുന്ന മറ്റൊരു കാട്ടാന ഇരുവരെയും ആക്രമിച്ചു. കാട്ടാനയുടെ ആക്രമണം അത്രയും വേഗത്തിലും ഭീകരമായും ആയതിനാല്‍ കുഞ്ഞ് സ്ഥലത്തുവെച്ച്‌ തന്നെ മരിച്ചു. ഗുരുതരമായി പരുക്കേറ്റ അസലയെ നാട്ടുകാർ വാല്‍പ്പാറ സർക്കാർ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ഇരുവരുടെയും മൃതദേഹം പോസ്റ്റ്മോർട്ടത്തിനായി വാല്‍പ്പാറ സർക്കാർ ആശുപത്രിയിലേക്കാണ് മാറ്റിയത്.
SUMMARY: Wild elephant attack in Valpara; Grandmother and two-and-a-half-year-old girl killed
WhatsApp
Telegram
