തിരുവല്ല: ശബരിമല മണ്ഡല-മകരവിളക്ക് തീർത്ഥാടന കാലയളവിൽ തിരുവല്ല റെയിൽവേ സ്റ്റേഷനിൽ എല്ലാ ട്രെയിനുകൾക്കും സ്റ്റോപ്പ് അനുവദിക്കാൻ തീരുമാനമായി. റെയിൽവേ ബോർഡ് അംഗം (ഓപ്പറേഷൻസ് & ബിഡി) ഹരി ശങ്കർ വർമ്മയുമായി ആന്റോ ആന്റണി എംപി നടത്തിയ ചർച്ചയ്ക്ക് ശേഷമാണ് ഈ തീരുമാനം വന്നത്. ഇത് സംബന്ധിച്ചുള്ള ഉത്തരവ് റെയില്വേ ഉടന് പുറപ്പെടുവിക്കുമെന്നും അദ്ദേഹം ഉറപ്പു നല്കി.
പത്തനംതിട്ട ജില്ലയിലെ ഏക റെയില്വേ സ്റ്റേഷനാണ് തിരുവല്ല. തിരുവല്ലയില് കൂടി കടന്നു പോകുന്ന എല്ലാ ട്രെയിനുകള്ക്കും സ്റ്റോപ്പ് അനുവദിക്കുന്നത് സംബന്ധിച്ചു തന്റെ ആവശ്യം തീര്ഥാടന കാലയളവിനു ശേഷവും തുടരണമെന്നും വലിയ തോതിലുള്ള യാത്രാ തിരക്കും മതപരമായ പ്രാധാന്യവും കണക്കിലെടുത്ത്, തിരുവല്ല റെയില്വേ സ്റ്റേഷനെ ഒരു പ്രധാന ‘തീര്ത്ഥാടന റെയില്വേ സ്റ്റേഷന്’ ആയി പ്രഖ്യാപിക്കണമെന്നും ആന്റോ ആന്റണി ആവശ്യപ്പെട്ടു.
SUMMARY: Pilgrimage to Sabarimala Mandala-Makaravilak; All trains will be allowed to stop at Thiruvalla















