ലക്നൗ: ഉത്തര്പ്രദേശിലെ സഹറന്പൂര് ജില്ലയില് ദിനോസറിന്റെ ഫോസില് കണ്ടെത്തിയതായി റിപ്പോര്ട്ട്. ട്രൈസെറോടോപ്പ്സ് വിഭാഗത്തില്പ്പെട്ട ദിനോസറിന്റേതാണ് ഫോസിലെന്നാണ് നിഗമനം. സഹന്സറ നദീതീരത്ത് വെച്ചാണ് ഫോസിലുകള് കണ്ടെത്തിയതെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. ഇതിന് ദശലക്ഷക്കണക്കിന് വര്ഷത്തെ പഴക്കമുണ്ടെന്നാണ് റിപ്പോര്ട്ട്.
മൂന്ന് കൊമ്പുകളുള്ള ദിനോസര് വിഭാഗമാണ് ട്രൈസെറാടോപ്പ്സ്. ഇതിന്റെ മൂക്കിന്റെ ഭാഗമാണ് കണ്ടെത്തിയതെന്ന് നാച്ചുറൽ ഹിസ്റ്ററി ആൻഡ് കൺസർവേഷൻ സെന്ററിന്റെ സ്ഥാപകൻ മുഹമ്മദ് ഉമർ സെയ്ഫ് പറഞ്ഞു.
100.5 ദശലക്ഷം വർഷങ്ങൾക്കും 66 ദശലക്ഷം വർഷങ്ങൾക്കും ഇടയിലുള്ള അവസാന ക്രിറ്റേഷ്യസ് കാലഘട്ടത്തിലാണ് ട്രൈസെറാടോപ്പ്സുകൾ ജീവിച്ചിരുന്നത്. ദശലക്ഷക്കണക്കിന് വർഷങ്ങൾ പഴക്കമുള്ള നിരവധി ഫോസിലുകൾ സമീപ വര്ഷങ്ങളില് ഈ പ്രദേശത്ത് നിന്ന് ഖനനം ചെയ്തെടുത്തിരുന്നു.
SUMMARY: Dinosaur fossil found in UP
