തിരുവനന്തപുരം: പ്രീ പോള് സർവേ ഫലം പരസ്യപ്പെടുത്തിയ സംഭവത്തില് തിരുവനന്തപുരത്തെ ബിജെപി സ്ഥാനാർഥി ആർ.ശ്രീലേഖക്കെതിരെ തിരഞ്ഞെടുപ്പ് കമ്മീഷന്റെ നടപടി. തിരുവനന്തപുരം കോര്പറേഷനില് എന്ഡിഎക്ക് മുന്തൂക്കം എന്ന സര്വ്വേ ഫലമാണ് പങ്കുവെച്ചത്. കോര്പറേഷനിലെ ശാസ്തമംഗലം വാര്ഡില് സ്ഥാനാര്ഥിയാണ് ആര് ശ്രീലേഖ.
ഇന്ന് രാവിലെയാണ് ഫേസ്ക്കിബുലൂടെ ശ്രീലേഖ സര്വേ ഫലം പങ്കുവെച്ചത്. പ്രീപോള് സര്വേ ഫലം പ്രസിദ്ധീകരിക്കാന് പാടില്ലെന്നാണ് തിരഞ്ഞെടുപ്പ് കമ്മീഷന്റെ മാര്ഗനിര്ദേശം. ബിജെപിക്കു തിരുവനന്തപുരം കോര്പറേഷനില് ഭൂരിപക്ഷമുണ്ടാകും, എല്ഡിഎഫ് പിന്നോട്ട് പോകും എന്നുള്ള സ്വകാര്യ സര്വേ ഫലമാണ് ശ്രീലേഖ പങ്കുവെച്ചത്.
തിരഞ്ഞെടുപ്പ് പ്രചാരണത്തിനായുള്ള പോസ്റ്ററുകളില് പേരിനൊപ്പം ഐപിഎസ് ഉപയോഗിച്ചത് അടക്കമുള്ള വിവാദങ്ങള് നേരത്തെ തന്നെ ശ്രീലേഖക്കെതിരെ ഉയര്ന്നു വന്നിരുന്നു. നിലവില് ചട്ടവിരുദ്ധ നടപടിയുമായി ബന്ധപ്പെട്ട് എല്ഡിഎഫ് തിരഞ്ഞെടുപ്പ് കമ്മീഷനെ സമീപിക്കാന് ഒരുങ്ങുകയാണ്. കോണ്ഗ്രസും തിരഞ്ഞെടുപ്പ് കമ്മീഷനെ സമീപിച്ചേക്കും.
SUMMARY: Pre-poll survey results announced; Election Commission takes action against R. Sreelekha
