തൃശൂർ: കഴിഞ്ഞ ലോക്സഭാ തിരഞ്ഞെടുപ്പില് സുരേഷ് ഗോപി വ്യാജ വോട്ട് ചേർത്തെന്ന പരാതിയില് ബിഎല്ഒയ്ക്ക് നോട്ടീസ് അയച്ച് കോടതി. ജനുവരി 20ന് ബിഎല്ഒ നേരിട്ട് ഹാജരാകണമെന്നും കോടതി പറഞ്ഞു. കോണ്ഗ്രസ് നേതാവ് ടിഎൻ പ്രതാപൻ നല്കിയ ഹർജിയില് തൃശൂർ ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് നടപടി.
കഴിഞ്ഞ ലോക്സഭാ തിരഞ്ഞെടുപ്പില് സുരേഷ് ഗോപിയും സഹോദരൻ സുഭാഷ് ഗോപിയും കുടുംബാംഗങ്ങളും തൃശൂർ നിയോജകമണ്ഡലത്തിലെ മുക്കാട്ടുകര ബൂത്തില് വോട്ട് ചേർത്തത് നിയമവിരുദ്ധവും ക്രിമിനല് ഗൂഢാലോചനയുമാണെന്ന് കാണിച്ചാണ് പ്രതാപൻ പരാതി നല്കിയത്. ഗൂഢാലോചന നടത്തി വ്യാജമായി ചമച്ച രേഖകളുടെ അടിസ്ഥാനത്തില് വോട്ടുകള് ചേർത്തതെന്നാണ് പരാതി.
ഇപ്പോള് കേന്ദ്രമന്ത്രിയായ സുരേഷ് ഗോപി കേസിനാസ്പദമായ സംഭവം നടക്കുമ്ബോള് പൊതുസേവകനല്ലാത്തതിനാല് നിയമപ്രകാരമുള്ള നോട്ടീസിന് അർഹനല്ലെന്ന് കോടതി ചൂണ്ടിക്കാണിച്ചു. തുടർന്ന് കോടതി അന്നത്തെ ബൂത്ത് ലെവല് ഓഫീസർക്കു നോട്ടീസ് അയക്കാൻ ഉത്തരവിടുകയായിരുന്നു. ബിഎല്ഒ ജനുവരി 20ന് കോടതിയില് നേരിട്ട് ഹാജരാകണമെന്നും നോട്ടീസില് പറയുന്നു.
SUMMARY: Complaint alleging Suresh Gopi entered fake votes; BLO given notice to appear on January 20
WhatsApp
Telegram
