ബെംഗളൂരു: എഐകെഎംസിസി ബെംഗളൂരു സെൻട്രൽ കമ്മിറ്റി സംഘടിപ്പിച്ച തിരഞ്ഞെടുപ്പ് കൺവെൻഷന് പാണക്കാട് സയ്യിദ് മുനവ്വിർ അലി ശിഹാബ് തങ്ങൾ ഉദ്ഘാടനം ചെയ്തു. ഐക്യത്തോടെ നിന്നാല് ഫാഷിസ്റ്റ് ഭരണം ഇല്ലാതാക്കാമെന്നും വരുന്ന തിരഞ്ഞെടുപ്പ് ഐക്യ ജനാധിപത്യ സ്ഥാനാർതിഥികളെ വിജയിപ്പിക്കാൻ എല്ലാവരും ഒറ്റകെട്ടായി മുന്നിട്ടിറങ്ങണമെന്നും മുനവ്വിർ അലി ശിഹാബ് തങ്ങൾ പറഞ്ഞു.
എഐകെഎംസിസി പ്രസിഡൻ്റ് ടി ഉസ്മാൻ അധ്യക്ഷത വഹിച്ചു. ജനറല് സെക്രട്ടറി എംകെ നൗഷാദ് സ്വാഗതം പറഞ്ഞു. ബെംഗളൂരു മലബാർ മുസ്ലിം അസോസിയേഷൻ പ്രസിഡൻ്റും പ്രഥമ എസ്ടി സി എച്ച് മാനവതാവാദ അവാർഡ് ജേതാവുമായ ഡോ. എൻ എ മുഹമ്മദിനെ ഷാൾ അണിയിച്ച് ആദരിച്ചു. ഇതോടനുബന്ധിച്ച് നടന്ന കുടുംബ സംഗമത്തിൽ വനിതാ ലീഗ് കേരള സംസ്ഥാന പ്രസിഡൻ്റ് സുഹറ മമ്പാട് മുഖ്യപ്രഭാഷണം നടത്തി. വിവിധ പരീക്ഷകളിൽ ഉന്നത വിജയം നേടിയ ഡോ ഷഫ്ന ഫാത്തിമ, ഡോ ഷഫ്ന ഷറിൻ, എം പി അഫ്സൽ എന്നിവർക്കുള്ള ഉപഹാരങ്ങൾ സയ്യിദ് മുനവ്വറലി ശിഹാബ് തങ്ങൾ നൽകി. ഡോ എംഎ അമീറലി നന്ദിയും റഷീദ് മൗലവി പ്രാർത്ഥനയും നിർവഹിച്ചു.
SUMMARY: AIKMCC Election Convention
