ന്യൂഡൽഹി: ഇസ്രായേൽ-ഇറാൻ യുദ്ധം പശ്ചിമേഷ്യൻ മേഖലയിലെ വ്യോമഗതാഗതത്തെ ബാധിച്ച പശ്ചാത്തലത്തില് യുഎഇയിലേക്കുള്ള ഇന്നത്തെ എല്ലാ വിമാന സര്വീസുകളും അടിയന്തരമായി റദ്ദാക്കി എയര് ഇന്ത്യയും ഇന്ഡിഗോയും. യുദ്ധ പശ്ചാത്തലത്തിൽ ഇന്ധനവിലയിലുണ്ടായ വർധനയും ഇൻഷുറൻസ് ചെലവുകളും സുരക്ഷ ഭീഷണിയും കണക്കിലെടുത്താണ് നീക്കം.
ഇറാന് യു എസ് ഇസ്രയേല് യുദ്ധം തുടങ്ങിയതിനു പിന്നാലെ വിമാന കമ്പനികള് പല സ്ഥിരം സര്വീസുകളും മാര്ച്ച് 28 വരെ റദ്ദാക്കിയിരുന്നു. എന്നാല്, പിന്നീട് ദുബൈ, അബൂദബി അടക്കമുള്ള നഗരങ്ങളിലേക്ക് താത്കാലിക സര്വീസുകള് ആരംഭിച്ചിരുന്നു.
പശ്ചിമേഷ്യയില് സംഘര്ഷം രൂക്ഷമായി തുടരുകയാണ്. ഇന്നലെ രാത്രി കുവൈത്ത് അന്താരാഷ്ട്ര വിമാനത്താവളത്തിന് നേരെ ആക്രമണമുണ്ടായി. ആക്രമണത്തില് വിമാനത്താവളത്തിലെ റഡാര് സംവിധാനത്തിന് കേടുപാടുകള് സംഭവിച്ചു. എന്നാല്, ആളപായമുണ്ടാവുകയോ ആര്ക്കെങ്കിലും പരുക്കേല്ക്കുകയോ ചെയ്തിട്ടില്ല. ആക്രമണത്തെ തുടര്ന്ന് വിമാനത്താവളം അടച്ചു.
SUMMARY: Air India and IndiGo cancel all flights to UAE today
