കൊച്ചി: അമ്മ സംഘടനയുടെ നേതൃനിരയിലേക്ക് എത്താൻ താല്പര്യമില്ലെന്ന് വ്യക്തമാക്കി നടി അൻസിബ ഹസൻ. സംഘടനയുടെ ഭാവി പ്രവർത്തനങ്ങള് മികച്ച രീതിയില് മുന്നോട്ട് പോകട്ടെയെന്നും ശക്തവും കരുണയും ആർജവവുമുള്ള യുവതലമുറ നേതൃത്വം ഏറ്റെടുക്കട്ടെയെന്നും അൻസിബ ആശംസിച്ചു.
‘എന്റെ ജീവിതയാത്രയില് എനിക്കു ലഭിച്ച ഏറ്റവും വലിയ അംഗീകാരം നിങ്ങളുടെ സ്നേഹവും പിന്തുണയുമാണ്. അതിന് വാക്കുകള് കൊണ്ട് നന്ദി പറയുന്നത് അപൂര്ണ്ണമായിരിക്കും. ഒപ്പം നില്ക്കുന്ന ഓരോരുത്തരുടെയും ഹൃദയത്തില് എനിക്ക് ലഭിച്ച ഈ സ്ഥാനമാണ് എന്റെ ഏറ്റവും വലിയ പുരസ്കാരം. ‘അമ്മ’ സംഘടനയുമായി ബന്ധപ്പെട്ട്, ഇനി ഒരു ഭാരവാഹിത്വത്തിലേക്ക് മത്സരിക്കാനോ സ്ഥാനങ്ങള് വഹിക്കാനോ ഞാന് ആഗ്രഹിക്കുന്നില്ല. സംഘടനയുടെ ഭാവി പ്രവര്ത്തനങ്ങള് മികച്ച രീതിയില് മുന്നോട്ട് പോകട്ടെ എന്ന് ആശംസിക്കുന്നു. ശക്തവും, കരുണയും, ആര്ജ്ജവവുമുള്ള ഒരു പുതിയ യുവനിര ഇതിനായി കടന്നുവരട്ടെ. എല്ലാവര്ക്കും ഹൃദയം നിറഞ്ഞ നന്ദി.’ -അന്സിബ വാര്ത്താക്കുറിപ്പില് പറഞ്ഞു.
കഴിഞ്ഞ ദിവസം ‘അമ്മ’ ജനറല് ബോഡിയില് അന്സിബ തന്റെ നിലപാട് ശക്തമായി അവതരിപ്പിച്ചിരുന്നു. സംഘടനയിലെ അനീതികള് ഓരോന്നായി ചൂണ്ടിക്കാട്ടിയ അന്സിബയുടെ പ്രസംഗത്തിന് വ്യാപക പ്രശംസ ലഭിച്ചിരുന്നു. എല്ലാം തുറന്നുപറയാനായതില് സമാധാനമുണ്ടെന്നും ഇപ്പോഴെങ്കിലും നീതി കിട്ടിയെന്ന് തനിക്ക് പറയാനാകുമെന്നും അന്സിബ പ്രതികരിച്ചിരുന്നു.
SUMMARY: No more contesting for ‘Amma’; Let the younger generation come; Ansiba Hasan
