ബെംഗളൂരു: ബിഎംടിസിയുടെ പുതിയ 100 ബസുകൾ ഫ്ലാഗ് ഓഫ് ചെയ്ത് മുഖ്യമന്ത്രി സിദ്ധരാമയ്യ. ബിഎസ്-6 മോഡൽ ബസുകളാണ് ഫ്ലാഗ് ഓഫ് ചെയ്തത്. ഫയർ ആൻഡ് സേഫ്റ്റി മുന്നറിയിപ്പ്, പാനിക് ബട്ടണുകൾ, സിസിടിവി ക്യാമറകൾ, പബ്ലിക് അഡ്രസ് സിസ്റ്റം, ഫയർ എക്സ്റ്റിംഗുഷറുകൾ, പരിസ്ഥിതി സൗഹൃദ എമിഷൻ കൺട്രോൾ തുടങ്ങിയ സവിശേഷതകൾ ബസുകളിൽ ഉൾപെടുത്തിയിട്ടുണ്ട്. നഗരത്തിലെ ഏറ്റവും തിരക്കേറിയ റൂട്ടുകളിലാണ് ഇവ വിന്യസിക്കുക.
336 കോടി രൂപ ചെലവിൽ വാങ്ങുന്ന 840 ബസുകളിൽ 100 ബസുകളാണ് ആദ്യഘട്ടത്തിൽ വിന്യസിക്കുന്നത്. നിലവിൽ നഗരത്തിൽ 50 ബിഎംടിസി ഡിപ്പോകളും 7,000 ബസുകളുണ്ട്. പ്രതിദിനം 40 ലക്ഷം യാത്രക്കാരാണ് ബിഎംടിസി ബസുകളിൽ യാത്ര ചെയ്യുന്നത്. നമ്മ മെട്രോയേക്കാൾ അഞ്ച് മടങ്ങ് കൂടുതൽ യാത്രക്കാർ ബിഎംടിസി ബസുകളാണ് ആശ്രയിക്കുന്നതെന്ന് മുഖ്യമന്ത്രി പറഞ്ഞു. ബാക്കിയുള്ള 740 ബസുകൾ ഉടൻ നിരത്തിലിറക്കാൻ സാധിക്കുമെന്നും മുഖ്യമന്ത്രി പറഞ്ഞു.
TAGS: BENGALURU | BMTC
SUMMARY: Siddaramiah flag off new 100 BMTC bus on thursday
WhatsApp
Telegram
