ബെംഗളൂരു: ഗണേശ വിഗ്രഹ നിമജ്ജനത്തിനിടെയുണ്ടായ സംഘർഷവുമായി ബന്ധപ്പെട്ട് 11 പേർ അറസ്റ്റിൽ. കോലാർ ബംഗാർപേട്ട് ടൗണിലെ അയ്യപ്പസ്വാമി സർക്കിളിലാണ് സംഭവം. വിഗ്രഹ നിമജ്ജനത്തിനിടെ നിസാര പ്രശ്നത്തിൻ്റെ പേരിൽ ഇരുവിഭാഗങ്ങൾ ഏറ്റുമുട്ടുകയായിരുന്നു. ജില്ലയിലെ അമരാവതി ലേഔട്ടിലും റെയിൽവേ ക്വാർട്ടേഴ്സിലുമുള്ള രണ്ട് സംഘങ്ങളാണ് ഏറ്റുമുട്ടിയത്. സംഭവത്തിൽ നാല് പേർക്ക് ഗുരുതര പരുക്കേറ്റു.
കഴിഞ്ഞ ദിവസവും പലവ തിമ്മനഹള്ളിയിൽ (റെയിൽവേ ക്വാർട്ടേഴ്‌സ്) ഗണേശ വിഗ്രഹ ഘോഷയാത്രയ്ക്കിടെ ഇരുവിഭാഗങ്ങളും ഏറ്റുമുട്ടിയിരുന്നു. ഇതിന്റെ തുടർച്ചയായാണ് നിമജ്ജന സമയത്തും ഇരുസംഘങ്ങളും തമ്മിൽ തർക്കമുണ്ടായത്. ഇത് പിന്നീട് കയ്യാങ്കളിയിലേക്ക് കലാശിക്കുകയായിരുന്നു. സംഭവത്തിൽ 11 പേരെ അറസ്റ്റ് ചെയ്യുകയും അനധികൃതമായി സംഘംചേർന്ന 30ലധികം പേർക്കെതിരെ കേസെടുക്കുകയും ചെയ്തതായി പോലീസ് പറഞ്ഞു.
TAGS: KARNATAKA | ARREST
SUMMARY: Bangarpet police arrest 11 after 2 groups clash during Ganesha idol immersion
