മുംബൈ: ബോളിവുഡ് നടൻ സൽമാൻ ഖാന് വീണ്ടും വധഭീഷണി. രണ്ട് കോടി രൂപ നൽകണമെന്ന് ആവശ്യപ്പെട്ടാണ് ഭീഷണി. മുംബൈ ട്രാഫിക് പോലീസിനാണ് ഭീഷണി സന്ദേശം ലഭിച്ചത്. പണം നൽകിയില്ലെങ്കിൽ നടനെ കൊലപ്പെടുത്തുമെന്നാണ് സന്ദേശം.
സംഭവത്തിൽ മുംബൈയിലെ വോർലി ജില്ലയിലെ പോലീസ് അജ്ഞാതർക്കെതിരെ കേസ് രജിസ്റ്റർ ചെയ്യുകയും അന്വേഷണം ആരംഭിക്കുകയും ചെയ്തു. അജിത് പവാറിൻ്റെ നേതൃത്വത്തിലുള്ള എൻസിപി എംഎൽഎയും അന്തരിച്ച ബാബ സിദ്ദിഖിൻ്റെ മകനുമായ സീഷൻ സിദ്ദിഖിനും സൽമാൻ ഖാനും നേരത്തെ വധഭീഷണി കോൾ ലഭിച്ചിരുന്നു. കേസുമായി ബന്ധപ്പെട്ട് മുംബൈ പോലീസ് ചൊവ്വാഴ്ച നോയിഡയിൽ 20 വയസുകാരനെ അറസ്റ്റ് ചെയ്തിരുന്നു.
നേരത്തെ ലോറന്‍സ് ബിഷ്ണോയിയുടെ സഘത്തില്‍ നിന്നും സല്‍മാന്‍ ഖാന് വധഭീഷണി ഉണ്ടായിരുന്നു. തുടര്‍ന്ന് മുംബൈ പോലീസ് താരത്തിന്റെ സുരക്ഷ ശക്തമാക്കിയിരുന്നു. ഗുണ്ടാനേതാവ് ലോറന്‍സ് ബിഷ്ണോയിയുടെ സംഘം ദിവസങ്ങള്‍ക്ക് മുമ്പ് ബാബ സിദ്ദിഖിയെ കൊലപ്പെടുത്തിയിരുന്നു.
TAGS: NATIONAL | SALMAN KHAN
SUMMARY: Death threat for Salman khan again
