‘കാലം പറക്കണ്’; നാടക പ്രദർശനം 28ന്

ബെംഗളൂരു: കേരളസമാജം ബാംഗ്ലൂർ സൗത്ത് വെസ്റ്റിന്റെ ആഭിമുഖ്യത്തില്‍ നാടക പ്രദർശനം സംഘടിപ്പിക്കുന്നു. 28നു വൈകിട്ട് 5നു ബാംഗ്ലൂർ സർവകലാശാല ക്യാംപസിലെ ജ്ഞാനഭാരതി മെയിൻ റോഡിലെ ഡോ.അംബേദ്കർ സ്കൂൾ ഓഫ് ഇക്കണോമിക്സിലാണ് പ്രദര്‍ശനം. കോഴിക്കോട് സങ്കീർത്തനയുടെ ‘കാലം പറക്കണ്’ എന്ന നാടകമാണ് അവതരിപ്പിക്കുന്നത്.

രാജീവൻ മമ്മിണി സംവിധാനവും പ്രദീപ്കുമാർ കാവുന്തറ രചനയും നിർവഹിക്കുന്ന നാടകത്തിൽ വൈക്കം വിജയലക്ഷ്മി, കാവാലം ശ്രീകുമാർ, രമേഷ് കാവിൽ, ജോസ് സാഗർ, പ്രധി വി.ആര്യ എന്നിവർ വിവിധ വേഷങ്ങളിലെത്തും. സമാജത്തിന്റെ സാമൂഹിക സേവന വിഭാഗമായ സാന്ത്വനത്തിന്റെ ധനശേഖരണാർഥമാണു നാടകം അവതരിപ്പിക്കുന്നത്. പാസുകൾക്ക് ഫോൺ: 9035455410, 9448689361.
SUMMARY: Drama show on the 28th