ദുബായ്: താല്ക്കാലികമായി പ്രവർത്തനം നിർത്തിവെച്ച ദുബായ് വിമാനത്താവളം ഭാഗികമായി തുറന്നു. ദുബായ് അന്താരാഷ്ട്ര വിമാനത്താവളം, അല് മക്തൂം അന്താരാഷ്ട്ര വിമാനത്താവളം എന്നിവിടങ്ങളില് നിന്നുള്ള ചില വിമാന സർവീസുകള് പുനരാരംഭിച്ചുകൊണ്ട് തങ്ങള് ഭാഗികമായി പ്രവർത്തനം തുടങ്ങിയിരിക്കുന്നതായി എയർപോർട്ട് എക്സ് അക്കൗണ്ടില് ഔദ്യോഗിക സ്ഥിരീകരണം നടത്തിയിട്ടുണ്ട്.
താല്ക്കാലികമായി നിർത്തിവെച്ചിരുന്ന വിമാന സർവീസുകള് പുനരാരംഭിക്കുമെന്ന് എമിറേറ്റ്സ് എയർലൈൻസും അറിയിച്ചു. ഇന്ന് ഉച്ചയ്ക്ക് ശേഷമുള്ള വിമാനങ്ങളില് ടിക്കറ്റ് കണ്ഫേം ആയ യാത്രക്കാർക്ക് വിമാനത്താവളത്തിലേക്ക് പുറപ്പെടാവുന്നതാണെന്ന് എമിറേറ്റ്സ് എയർലൈൻ അറിയിച്ചു. ദുബായ് വഴി മറ്റ് രാജ്യങ്ങളിലേക്ക് പോകുന്ന യാത്രക്കാർക്ക് അവരുടെ തുടർന്നുള്ള വിമാനങ്ങളും സർവീസ് നടത്തുന്നുണ്ടെങ്കില് യാത്ര തുടരാം.
നിലവിലെ സാഹചര്യങ്ങള് എമിറേറ്റ്സ് സൂക്ഷ്മമായി നിരീക്ഷിച്ചു വരികയാണ്. അതനുസരിച്ച് വരും ദിവസങ്ങളിലെ വിമാന ഷെഡ്യൂളുകളില് മാറ്റം വരുത്തും. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് കമ്ബനി പ്രഥമ പരിഗണന നല്കുന്നതെന്നും എയർലൈൻ അറിയിപ്പില് വ്യക്തമാക്കി.
SUMMARY: Dubai Airport partially resumes operations
WhatsApp
Telegram
