ജക്കാര്ത്ത: ഇന്തോനേഷ്യയില് വീണ്ടും ഭൂചലനം. റിക്ടര് സ്കെയിലില് 6.7 തീവ്രത രേഖപ്പെടുത്തിയ ഭൂചലനമാണ് സെന്ട്രല് സുലവേസി പ്രവിശ്യയില് ചൊവ്വാഴ്ച രാവിലെ അനുഭവപ്പെട്ടത്. പ്രാദേശിക സമയം രാവിലെ 11:30 ഓടെയായിരുന്നു ഭൂചലനം ഉണ്ടായത് എട്ട് വർഷം മുമ്പ് ഭൂകമ്പവും സുനാമിയും തകർത്ത ദ്വീപാണ് സുലവേസി. ഭൂകമ്പത്തെത്തുടർന്ന് കെട്ടിടങ്ങൾക്ക് നാശനഷ്ടമുണ്ടായി. ശക്തമായ ഭൂചലനത്തെത്തുടർന്ന് മധ്യ സുലവേസി പ്രവിശ്യയുടെ തലസ്ഥാനമായ പാലുവിലെയും പരിസരങ്ങളിലെയും തുറസ്സായ സ്ഥലങ്ങളിലേക്ക് ആളുകൾ പലായനം ചെയ്തു. സുരക്ഷാ നടപടിയായി നിരവധി ആശുപത്രികളിൽ നിന്ന് രോഗികളെ ഒഴിപ്പിച്ചു.
നിരവധി കെട്ടിടങ്ങളുടെ മേൽക്കൂരകളും മതിലുകളും തകർന്നു. തെരുവുകളിൽ അവശിഷ്ടങ്ങൾ ചിതറിക്കിടക്കുന്ന ദൃശ്യങ്ങൾ സമൂഹമാധ്യമങ്ങളിലൂടെ പ്രചരിച്ചു. നാശനഷ്ടങ്ങളെക്കുറിച്ചുള്ള വിവരങ്ങൾ ശേഖരിച്ചുകൊണ്ടിരിക്കുകയാണെന്ന് ദേശീയ ദുരന്ത നിവാരണ ഏജൻസി അറിയിച്ചു.
SUMMARY: Earthquake in Indonesia; 6.7 magnitude; widespread damage, people panicked, roads and buildings collapsed
