കാസറഗോഡ്: സംസ്ഥാനത്ത് കനത്ത മഴ തുടരുന്ന സാഹചര്യത്തില് കോഴിക്കോട്, കാസറഗോഡ് ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ജൂണ് 9, ചൊവ്വ) ജില്ലാ കളക്ടർമാർ അവധി പ്രഖ്യാപിച്ചു. പ്രൊഫഷണല് കോളേജുകള്, അങ്കണവാടികള്, മദ്രസകള്, ട്യൂഷൻ സെന്ററുകള് എന്നിവയുള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
കാലാവസ്ഥാ വകുപ്പ് ഇരു ജില്ലകളിലും ‘റെഡ് അലർട്ട്’ പ്രഖ്യാപിച്ചതിനെത്തുടർന്ന് വിദ്യാർഥികളുടെ സുരക്ഷ മുൻനിർത്തിയാണ് ഈ നടപടി. അതേസമയം, മുൻകൂട്ടി നിശ്ചയിച്ച സർവകലാശാലാ പരീക്ഷകള്ക്കും പി.എസ്.സി പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കുന്നതല്ലെന്ന് അധികൃതർ വ്യക്തമാക്കിയിട്ടുണ്ട്. കോഴിക്കോട് ജില്ലയില് വെള്ളക്കെട്ട് രൂപപ്പെട്ട സാഹചര്യവും ശക്തമായ കാറ്റിനും മഴയ്ക്കും സാധ്യതയുണ്ടെന്ന മുന്നറിയിപ്പും അവധി പ്രഖ്യാപനത്തിന് കാരണമായി.
കാസറഗോഡ് ജില്ലയില് റെസിഡൻഷ്യല് സ്കൂളുകള്ക്ക് അവധി ബാധകമല്ലെങ്കിലും, ബാക്കിയെല്ലാ വിഭാഗം വിദ്യാഭ്യാസ സ്ഥാപനങ്ങള്ക്കും ഉത്തരവ് ബാധകമായിരിക്കും. അടിയന്തര സാഹചര്യങ്ങള് നേരിടാൻ ജില്ലാ ഭരണകൂടങ്ങള് ജാഗ്രതാ നിർദ്ദേശം നല്കിയിട്ടുണ്ട്. മഴയുടെ തീവ്രത കുറയുന്നത് വരെ വിദ്യാർഥികളും രക്ഷിതാക്കളും അതീവ ജാഗ്രത പുലർത്തണമെന്ന് ബന്ധപ്പെട്ട കളക്ടർമാർ അറിയിച്ചു.
SUMMARY: Heavy rain; Educational institutions in two districts to remain closed tomorrow
