തൃശൂർ: തൃശൂർ മുൻ മേയർ എം കെ വർഗീസ് വീണ്ടും കോണ്ഗ്രസിലേക്ക്. തൃശൂർ മണ്ഡലം സ്ഥാനാർഥി രാജൻ ജെ പല്ലൻ എം കെ വർഗീസിനെ നേരില് കാണും. രാജൻ ജെ പല്ലന് പിന്തുണ നല്കുമെന്നും, ഇനിയുള്ള അഞ്ച് വർഷം യുഡിഎഫ് ഭരിക്കാനാണ് സാധ്യതയെന്നും എം കെ വർഗീസ് പറഞ്ഞു. അഞ്ച് കൊല്ലം മുമ്പ് കൗണ്സിലർ സ്ഥാനം നിഷേധിച്ചതോടെയാണ് എം കെ വർഗീസ് കോണ്ഗ്രസ് വിട്ട് സ്വതന്ത്രനായത്.
അഞ്ച് കൊല്ലം ഇടതുമുന്നണിയില് മേയറായിരുന്നു.അന്നത്തെ സാഹചര്യത്തിനനുസരിച്ചുള്ള മാറ്റത്തിന്റെ ഭാഗമായാണ് താൻ സ്വതന്ത്രനായി മത്സരിച്ചത്. ജയിച്ച ശേഷം സ്വന്തം നാട്ടില് ഏതെങ്കിലും ചെയ്യണമെന്ന് ആഗ്രഹിച്ചിരുന്നു അങ്ങിനെയാണ് ഇടതുപക്ഷവുമായി സഹകരിച്ച് പോയത്. ഇടതുപക്ഷത്തിന്റെ കൂടെ ആണെങ്കിലും താൻ എന്താണ് ആഗ്രഹിച്ചത് അത് നടപ്പിലാക്കിയിട്ടുണ്ട്. ഭരിക്കാൻ ഇടതുപക്ഷത്തിനൊപ്പം നില്ക്കുകയാണ് നല്ലതായിരുന്നു താൻ കരുതിയത്.
ഇടതുപക്ഷത്തിനൊപ്പം നിന്ന് എല്ലാം നടത്തിയിട്ട് തന്നെയാണ് തിരിച്ചുള്ള മടക്കം.സുരേഷ് ഗോപി നല്ല വ്യക്തിയാണ് എന്ന മുൻ നിലപാടില് മാറ്റമില്ല.ഇനി യുഡിഎഫിന്റെ കാലഘട്ടമാണ് വരാൻ പോകുന്നത്. 5 വർഷം യുഡിഎഫ് ഭരിക്കാനുള്ള സാഹചര്യമുണ്ട്. മടങ്ങുന്നത് തന്റെ തറവാട്ടിലേക്കാണ് യാതൊരു തരത്തിലുള്ള ആവശ്യങ്ങളും പറയുന്നില്ലെന്നും കോണ്ഗ്രസിലേക്ക് ഉള്ള തന്റെ മടക്കം നിരുപാധികം ആണെന്നും എം കെ വർഗീസ് പറഞ്ഞു.
SUMMARY: Former Thrissur Mayor MK Varghese joins Congress again
WhatsApp
Telegram
