ബെംഗളൂരു: ഡെങ്കിപ്പനി ബാധിച്ച് ആരോഗ്യ വകുപ്പ് ഉദ്യോഗസ്ഥൻ മരിച്ചു. ശിവമോഗയഇ സാഗര താലൂക്ക് ആശുപത്രിയിൽ ഡയാലിസിസ് വിഭാഗത്തിൽ ജോലി ചെയ്തിരുന്ന ആരോഗ്യവകുപ്പ് ഉദ്യോഗസ്ഥൻ നാഗരാജ് (35) ആണ് മരിച്ചത്. ഡെങ്കിപ്പനി ബാധിച്ച് ശിവമോഗയിലെ സ്വകാര്യ ആശുപത്രിയിൽ ചികിത്സയിലായിരുന്നു.
തിങ്കളാഴ്ചയാണ് നാഗരാജിന് ഡെങ്കിപ്പനി സ്ഥിരീകരിച്ചത്. അദ്ദേഹം പ്രമേഹബാധിതനുമായിരുന്നു. കഴിഞ്ഞ കുറച്ച് ദിവസങ്ങളായി താലൂക്കിൽ ഡെങ്കിപ്പനി കേസുകൾ വർധിക്കുന്നുണ്ട്. പ്രതിദിനം അഞ്ചിലധികം കേസുകളാണ് റിപ്പോർട്ട് ചെയ്തിട്ടുള്ളത്. ഇതിനെതിരെ പ്രതിരോധ നടപടി സ്വീകരിക്കുമെന്ന് സാഗര താലൂക്ക് മെഡിക്കൽ ഓഫീസർ ഡോ. പരപ്പ പറഞ്ഞു.
TAGS: HEALTH| DENGUE
SUMMARY: Health official dies due to dengue fever
