ബെംഗളൂരു: കൈരളി കള്‍ച്ചറല്‍ അസോസിയേഷന്‍ കാഡുഗോഡിക്ക് നോര്‍ക്ക അംഗീകാരം പുതുക്കി നല്‍കി. അംഗീകാരം പുതുക്കി കൊണ്ടുള്ള സാക്ഷ്യപത്രം അസോസിയേഷന്‍ പ്രസിഡന്റ് രാജേന്ദ്രന്‍ എ, ജനറല്‍ സെക്രട്ടറി ജയബാലന്‍ എം എസ്, എന്നിവരുടെ നേതൃത്വത്തില്‍ സ്വീകരിച്ചു.
കേരള സര്‍ക്കാരിന്റെ പ്രവാസികള്‍ക്കായുള്ള ക്ഷേമ പദ്ധതികള്‍ നോര്‍ക്ക വഴി എല്ലാ മലയാളികളിലേക്കും എത്തിക്കുന്നതിന്റെ ഭാഗമായാണ് 5 വര്‍ഷത്തെ പ്രവര്‍ത്തന പരിചയമുള്ളപ്രവാസി മലയാളി സംഘടനകള്‍ക്ക് മാനദണ്ഡങ്ങള്‍ക്ക് വിധേയമായി അംഗീകാരം നല്‍കി വരുന്നത്. നിലവില്‍ പതിനെട്ട് സംഘടനകള്‍ക്കാണ് കര്‍ണാടകയില്‍ നോര്‍ക്ക അംഗീകാരം നല്‍കിട്ടുള്ളത്. നോര്‍ക്കയുമായി സഹകരിച്ച് ക്ഷേമ പദ്ധതികള്‍ കൂടുതല്‍ പ്രവാസി മലയാളികളിലേക്ക് എത്തിക്കുവാനുള്ള ശ്രമം തുടര്‍ന്നു വരികയാണെന്ന് അസോസിയേഷന്‍ ഭാരവാഹികള്‍ അറിയിച്ചു.
<br>
TAGS : NORKA ROOTS
