ബെംഗളൂരു: സിനിമാ ടിക്കറ്റിനും ഒടിടി സബ്സക്രിപ്ഷനും സെസ് ഇടാക്കാനുള്ള പദ്ധതിയുമായി കർണാടക സർക്കാർ. സിനിമാപ്രവർത്തകരുടെയും മറ്റു കലാകാരൻമാരുടെയും ക്ഷേമപ്രവർത്തനത്തിനുള്ള തുക കണ്ടെത്താനായാണ് 1 മുതൽ 2 ശതമാനം വരെ സെസ് ഈടാക്കാൻ പോകുന്നതെന്ന് മുഖ്യമന്ത്രി സിദ്ധരാമയ്യ പറഞ്ഞു.
ഇതു സംബന്ധിച്ച പദ്ധതികൾക്ക് രൂപം നൽകാൻ കർണാടക സിനി ആന്റ് കൾച്ചറൽ ആക്ടിവിസ്റ്റ് ബിൽ (2024) കഴിഞ്ഞ ദിവസം നിയമസഭയിൽ അവതരിപ്പിച്ചു. കലാകാരൻമാരുടെയും സിനിമ മേഖലയിലെ പ്രവർത്തകരുടെയും ക്ഷേമപ്രവർത്തനങ്ങൾക്കായുള്ള തുക കണ്ടെത്താനും സാമൂഹ്യസുരക്ഷ ഉറപ്പാക്കാനും പതിനേഴംഗ ബോർഡ് രൂപീകരിക്കും.
സർക്കാർ നിർദ്ദേശിക്കുന്നവരായിരിക്കും ബോർഡിലെ അംഗങ്ങൾ. സെസിൽ നിന്ന് ലഭിക്കുന്ന തുക സർക്കാർ കർണാടക സിനി ആന്റ് കൾച്ചറൽ ആക്ടിവിസ്റ്റ്സ് വെൽഫെയർ ബോർഡിന് കൈമാറുമെന്നും സിദ്ധരാമയ്യ കൂട്ടിച്ചേർത്തു.
TAGS: KARNATAKA | CESS | | MOVIE TICKETS
SUMMARY: Karnataka plans to impose 2 percent cess on movie tickets and OTT subscription fees
