സ്വര്‍ണവിലയില്‍ വൻ ഇടിവ്

തിരുവനന്തപുരം: കേരളത്തിൽ സ്വർണവിലയില്‍ കുത്തനെ ഇടിവ്. ഇന്ന് പവന് 1320 രൂപയുടെ വലിയ കുറവാണ് രേഖപ്പെടുത്തിയിരിക്കുന്നത്. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി വില 1,02,760 രൂപയായി താഴ്ന്നു. ഗ്രാമിന് 165 രൂപ കുറഞ്ഞ് 12,845 രൂപയുമാണ് ഇന്നത്തെ വില.

അന്താരാഷ്ട്ര വിപണിയില്‍ അസംസ്കൃത എണ്ണവിലയിലുണ്ടായ കുറവും മറ്റ് ആഗോള സാമ്പത്തിക ഘടകങ്ങളും സ്വർണവിലയെ സ്വാധീനിക്കുന്നു. ഉയർന്ന നിരക്കില്‍ നിന്നിരുന്ന സ്വർണവില കഴിഞ്ഞ ദിവസങ്ങളില്‍ തുടർച്ചയായി കുറയുന്നത് സാധാരണക്കാർക്കും സ്വർണം വാങ്ങാൻ ഉദ്ദേശിക്കുന്നവർക്കും ആശ്വാസകരമാണ്.

SUMMARY: Gold rate is decreased