തിരുവനന്തപുരം: കേരളത്തിൽ സ്വർണ വിലയിൽ ഇടിവ്. ഇന്ന് ഗ്രാമിന് 70 രൂപയാണ് കുറഞ്ഞത്. ഇതോടെ ഒരു ഗ്രാം വില വീണ്ടും 15000ത്തിന് താഴെയെത്തി. പവൻ വിലയും 1.20 ലക്ഷത്തിന് താഴേക്ക് പോയി. ഓഗസ്റ്റ് ഒന്ന് മുതല്‍ കുതിച്ചുയർന്ന സ്വർണ വില 25 ഓടെയാണ് വീണ്ടും കുറഞ്ഞ് തുടങ്ങിയത്. 22 കാരറ്റ് ഗ്രാം വില 15030 രൂപയില്‍ നിന്നും 15010 രൂപയിലേക്കാണ് ആദ്യം ഇടിഞ്ഞത്.
ഓണത്തിന് മാറ്റമില്ലാത തുടർന്ന വില ഇന്ന് 14940 രൂപയിലെത്തി. ഇതോടെ പവൻ വിലയില്‍ 560 രൂപയുടെ ഇടിവാണ് ഉണ്ടായത്. നിലവില്‍ 1,19,520 രൂപയിലാണ് സ്വർണ വ്യാപാരം പുരോഗമിക്കുന്നത്. രാജ്യാന്തര വിപണിയിലെ ചലനങ്ങള്‍ക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവില്‍ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ.
SUMMARY: Gold rate is decreased
