ബെംഗളൂരു: ബെംഗളൂരു വികസന വകുപ്പ് മന്ത്രിയായി കൃഷ്ണബൈരെ ഗൗഡ ചൊവ്വാഴ്ച ചുമതലയേറ്റു. സത്യപ്രതിജ്ഞ ചെയ്ത് 14-ാം ദിവസമാണ് അദ്ദേഹം മന്ത്രിയായി ചുമതലയേൽക്കുന്നത്. വകുപ്പുവിഭജനത്തില് അസംതൃപ്തിയുള്ളതിനാല് കഴിഞ്ഞ രണ്ടാഴ്ചയോളമായി അദ്ദേഹം വകുപ്പ് ഏറ്റെടുത്തിരുന്നില്ല. ബെംഗളൂരു വികസന വകുപ്പിനു കീഴിൽ വരുന്ന ബെംഗളൂരു വികസന അതോറിറ്റി (ബിഡിഎ), ബെംഗളൂരു മെട്രോപ്പൊലിറ്റൻ റീജൻ ഡവലപ്മെന്റ് അതോറിറ്റി (ബിഎംആർഡിഎ) എന്നീ ഏജൻസികളുടെ ചുമതല മുഖ്യമന്ത്രി ഡി.െക.ശിവകുമാർ നിലനിർത്തിയതിനെ തുടർന്നാണ് ബൈരെഗൗഡ വിട്ടുനിന്നത്. തന്റെ വകുപ്പിനെപ്പറ്റി വ്യക്തത വരുത്തണമെന്ന് അദ്ദേഹം കോൺഗ്രസ് ഹൈക്കമാൻഡിനോടുൾപ്പെടെ ആവശ്യപ്പെട്ടിരുന്നു.
നഗരത്തിലെ മഴക്കെടുതിയുടെ പശ്ചാത്തലത്തിൽ നഗരവികസന വകുപ്പിനു നാഥനില്ലെന്ന പ്രചാരണവുമായി ബിജെപിയും ദളും രംഗത്തു വന്നിരുന്നു. ഇതോടെ കോൺഗ്രസ് ഹൈക്കമാന്റ് അദ്ദേഹത്തോട് ഉടന് ചുമതല ഏല്ക്കാന് ആവശ്യപ്പെടുകയായിരുന്നു. ജിബിഎയുടെയും ബെംഗളൂരു ജല അതോറിറ്റിയുടെയും (ബിഡബ്ല്യുഎസ്എസ്ബി), ബെംഗളൂരു മെട്രോയുടെയും ചുമതലയാണ് ബൈരെഗൗഡയ്ക്കു കീഴിൽ വരുന്നത്. സ്ഥാനമേറ്റെടുത്ത ബൈരെഗൗഡ ഇന്നലെ ഗ്രേറ്റർ ബെംഗളൂരു അതോറിറ്റി (ജിബിഎ) ഉന്നത ഉദ്യോഗസ്ഥരെ വിളിച്ചുചേർത്ത് ചർച്ച നടത്തി.
കഴിഞ്ഞ 3ന് ശിവകുമാറിനൊപ്പം ആദ്യഘട്ടത്തിൽ 13 മന്ത്രിമാരാണ് സത്യപ്രതിജ്ഞ ചെയ്തത്.
SUMMARY: Krishnabaire Gowda takes charge as Bengaluru Development Minister
