ബെംഗളൂരു : മണ്ണിടിച്ചിൽ സാധ്യതയുടെ പശ്ചാത്തലത്തില്‍ കുടക് ജില്ലയിൽ ഭാരവാഹനങ്ങൾക്ക് ഏര്‍പ്പെടുത്തിയ ഓഗസ്റ്റ് 25 വരെ നീട്ടിയതായി ഡെപ്യൂട്ടി കമ്മിഷണർ വെങ്കടരാജ അറിയിച്ചു. ജൂൺ ആറുമുതലുള്ള നിരോധനം ആദ്യഘട്ടത്തിൽ ഓഗസ്റ്റ് അഞ്ച് വരെയായിരുന്നു. ഇതാണ് വീണ്ടും നീട്ടിയത്.
എല്ലാതരം തടിലോറികൾ, മണൽ ഗതാഗതവാഹനങ്ങൾ, 18.5 ടണ്ണിൽ കൂടുതൽ ഭാരമുള്ള ചരക്ക് വാഹനങ്ങൾ, ബുള്ളറ്റ് ടാങ്കറുകൾ, ഷിപ്പ് കാർഗോ കണ്ടെയ്‌നറുകൾ, ട്രക്കുകൾ എന്നിവയ്ക്കാണ് നിരോധനം ബാധകം. അതേസമയം എൽപിജി, ഇന്ധന വിതരണം, പാൽ വിതരണം, സർക്കാർജോലിക്ക് ഉപയോഗിക്കുന്ന വാഹനങ്ങൾ, മൾട്ടി ആക്സിൽ ബസുകൾ ഉൾപ്പെടെയുള്ള സ്കൂൾ, കോളേജ്, പൊതു യാത്രാവാഹനങ്ങൾ എന്നിവയ്ക്ക് ഇളവുകൾ അനുവദിച്ചിട്ടുണ്ട്.
നിയന്ത്രണം ശക്തമാക്കുന്ന ത്തിന്റെ ഭാഗമായി കുടകിലൂടെ കടന്നുപോകുന്ന ദേശീയപാത 275-ലെ കുശാൽനഗർ, സാംപാജെ അതിർത്തികളിൽ ചെക്ക് പോസ്റ്റുകൾ സ്ഥാപിക്കും. രാത്രികാലങ്ങളിൽ ചെക്ക്പോസ്റ്റുകളിലും റോഡുകളിലും 24 മണിക്കൂറും നിരീക്ഷണവും പട്രോളിങ്ങും ഉണ്ടാകും.
SUMMARY: Landslide possibility; Heavy vehicle ban extended in Kodagu
