ബെംഗളൂരു: അറ്റകുറ്റപ്പണി പ്രവർത്തനങ്ങളുടെ ഭാഗമായി ഇന്ന് നഗരത്തിലെ വിവിധ ഭാഗങ്ങളിൽ വൈദ്യുതി വിതരണം താൽക്കാലികമായി തടസ്സപ്പെടും. രാവിലെ 9 മുതൽ വൈകിട്ട് 6 വരെ വിവിധ സമയങ്ങളിലായാണ് വൈദ്യുതി മുടങ്ങുക. യലഹങ്ക മേഖലയിലാണ് പ്രധാനമായും നിയന്ത്രണം.
വൈദ്യുതി ശൃംഖലയുടെ അറ്റകുറ്റപ്പണികളും പരിപാലന പ്രവർത്തനങ്ങളും നടത്തുന്നതിനാലാണ് വൈദ്യുതി വിതരണം നിർത്തിവയ്ക്കുന്നത്. കെ.എം.എഫ്, യലഹങ്ക ന്യൂ ടൗൺ 208, 407, ബി സെക്ടർ, സി.ബി. സന്ദ്ര, അല്ലാളസന്ദ്ര, ശാരദാനഗർ, ജനപ്രിയ, അന്രിയ, മാരുതിനഗർ, കോഗിലു, ബി.ബി. റോഡ് യലഹങ്ക എന്നിവിടങ്ങളിലാണ് വൈദ്യുതി മുടങ്ങുക. ഇതിന് പുറമെ ബാഗലൂർ ക്രോസ്, വെങ്കടാല, നിട്ടെ കോളേജ് പരിസരം, ബി.എസ്.എഫ്, ഐ.എ.എഫ്, അസ്‌ട്രസെനക്ക, പി.എ.ഡി.എം.എസ്. കോളേജ്, റയാൻ ഇന്റർനാഷണൽ സ്കൂൾ, കട്ടിഗേനഹള്ളി, പാലനഹള്ളി, ദ്വാരകനഗർ, പുരവങ്കര, ആർ.എം.സെഡ് ഗലേറിയ എന്നിവിടങ്ങളിലും വൈദ്യുതി വിതരണം തടസ്സപ്പെടും.
അറ്റകുറ്റപ്പണികൾ പൂർത്തിയാകുന്ന മുറയ്ക്ക് വൈദ്യുതി വിതരണം പുനഃസ്ഥാപിക്കും. എന്നാൽ സാങ്കേതിക കാരണങ്ങളാൽ വൈദ്യുതി മുടങ്ങുന്ന സമയത്തിൽ മാറ്റമുണ്ടാകാനും സാധ്യതയുണ്ട്.
വൈദ്യുതി മുടക്കം ബാധിക്കുന്ന പ്രദേശങ്ങളിലെ താമസക്കാരും സ്ഥാപനങ്ങളും അത്യാവശ്യ വൈദ്യുത ഉപകരണങ്ങൾ മുൻകൂട്ടി ചാർജ് ചെയ്ത് തയ്യാറെടുപ്പുകൾ നടത്തണമെന്ന് അധികൃതർ നിർദേശിച്ചു.
SUMMARY: maintenance; There will be power cut in Yalahanka region today
