ബെംഗളൂരു: ഹുളിമാവ് സന്തോം പള്ളിയിൽ മലയാളം മിഷൻ ക്ലാസുകൾ ആരംഭിച്ചു. മിഷൻ കർണാടക ചാപ്റ്റർ സെക്രട്ടറി ഹിതാ വേണുഗോപാൽ ഉദ്ഘാടനം നിർവഹിച്ചു.ഇടവക വികാരി ഫാ. തോമസ് കാട്ടുതുരുത്തിയിൽ അധ്യക്ഷത വഹിച്ചു. അക്കാദമിക് കോഡിനേറ്റർ മീരനാരായണന്, കൺവീനർ ടോമി ആലുങ്കല് എന്നിവര് സംസാരിച്ചു.
പള്ളിയിലെ പിതൃവേദി, മാതൃവേദി സംഘടനകളുടെ നേതൃത്വത്തിൽ നടത്തുന്ന പഠനകേന്ദ്രത്തിലെ ക്ലാസുകൾക്ക് കോഡിനേറ്റർ നീന മേരി സിറിയക്ക്, ജോൺസൺ പുളിമൂട്ടിൽ, മെറിൻ മാത്യു എന്നിവരാണ് നേതൃത്വം നൽകുന്നത്.
SUMMARY: Malayalam Mission Class Started at Hulimavu Santhom Church
