കണ്ണൂർ: ഒന്നരവയസുകാരൻ വിയാനെ കടല്ഭിത്തിയിലെറിഞ്ഞ് കൊലപ്പെടുത്തിയ കേസില് അമ്മ ശരണ്യയ്ക്ക് കോടതി ജീവപര്യന്തം തടവുശിക്ഷ വിധിച്ചു. തളിപ്പറമ്പ് അഡീഷണല് സെഷൻസ് കോടതിയാണ് ഈ നിർണ്ണായക വിധി പ്രസ്താവിച്ചത്. ശിക്ഷയ്ക്ക് പുറമെ ശരണ്യ ഒരു ലക്ഷം രൂപ പിഴയും അടയ്ക്കണം.
തന്റെ ആണ്സുഹൃത്തിനൊപ്പം ജീവിക്കുന്നതിന് മകൻ തടസ്സമാകുമെന്ന് കണ്ടാണ് ശരണ്യ ഈ ക്രൂരകൃത്യം ചെയ്തതെന്ന് കോടതി കണ്ടെത്തി. 2020 ഫെബ്രുവരി 17-നായിരുന്നു കേരള മനസാക്ഷിയെ മരവിപ്പിച്ച ഈ സംഭവം നടന്നത്. ഉറങ്ങിക്കിടന്ന കുഞ്ഞിനെ പുലർച്ചെ എടുത്തു കൊണ്ടുപോയി കടല്ഭിത്തിയിലെ പാറക്കെട്ടിലേക്ക് എറിയുകയായിരുന്നു. കുഞ്ഞ് മരിച്ചെന്ന് ഉറപ്പാക്കിയ ശേഷം മടങ്ങിയെത്തിയ ശരണ്യ, മകനെ കാണാനില്ലെന്ന് പറഞ്ഞ് പരാതി നല്കി പോലീസിനെ തെറ്റിദ്ധരിപ്പിക്കാനും ശ്രമിച്ചിരുന്നു.
കേസില് ശരണ്യയുടെ ആണ്സുഹൃത്തായ നിധിനെയും പ്രതിചേർത്തിരുന്നെങ്കിലും തെളിവുകളുടെ അഭാവത്തില് നിധിനെ കോടതി വെറുതെ വിട്ടു. ആസൂത്രിതമായ കൊലപാതകമെന്ന് തെളിഞ്ഞതോടെയാണ് ശരണ്യയ്ക്ക് പരമാവധി ശിക്ഷ നല്കാൻ കോടതി ഉത്തരവിട്ടത്.
SUMMARY: Kannur: Mother Saranya sentenced to life in prison for killing one and a half year old boy by throwing him into the sea
WhatsApp
Telegram
