പാലക്കാട്: പാലക്കാട് ദേശീയപാത ഉപരോധിച്ചതുമായി ബന്ധപ്പെട്ട കേസില് ഷാഫി പറമ്പില് എം പിക്ക് തടവും പതിനായിരം രൂപ പിഴയും. ഇന്ന് കോടതി പിരിയും വരെയാണ് തടവ് ശിക്ഷ. നിരന്തരം കോടതിയില് എത്താത്തതിനെ തുടർന്ന് കഴിഞ്ഞ ആഴ്ച ഷാഫിക്കെതിരെ അറസ്റ്റ് വാറന്റ് പുറപ്പെടുവിച്ചിരുന്നു. 2022 ജൂണ് 24 ന് പാലക്കാട് കസബ പോലീസ് രജിസ്റ്റർ ചെയ്ത കേസില് പാലക്കാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ശിക്ഷ വിധിച്ചത്.
വയനാട്ടില് രാഹുല്ഗാന്ധിയുടെ എം.പി. ഓഫിസ് എസ്.എഫ്.ഐ പ്രവർത്തകർ തല്ലിതകർത്തതില് പ്രതിഷേധിച്ചായിരുന്നു ഷാഫി പറമ്പിലിന്റെ നേതൃത്വത്തില് നാല്പ്പതോളം വരുന്ന യൂത്ത് കോണ്ഗ്രസ് പ്രവർത്തകർ ചന്ദ്രനഗറില് ചെമ്പലോട് പാലത്തിന് സമീപം ദേശീയപാത ഉപരോധിച്ചത്. അന്ന് യൂത്ത് കോണ്ഗ്രസി ന്റെ ഭാഗമായിരുന്ന പി. സരിൻ കേസില് ഒമ്പതാം പ്രതിയായിരുന്നു. നേരത്തെ കോടതിയില് ഹാജരായ പി. സരിനെ 500 രൂപ പിഴയും കോടതി പിരിയും വരെ തടവിനും ശിക്ഷിച്ചിരുന്നു.
SUMMARY: National Highway blockade case: Shafi Parambil MP fined Rs. 1000 and sentenced to imprisonment until the court adjourns
WhatsApp
Telegram
